കട്ടപ്പനയില്‍ റവന്യൂ ടവറും വര്‍ക്കിങ് വിമന്‍സ് ഹോസ്റ്റലും

കട്ടപ്പന: കട്ടപ്പനയിൽ ഹൗസിങ് ബോ൪ഡ് റവന്യൂ ടവറും വ൪ക്കിങ് വിമൻസ് ഹോസ്റ്റലും നി൪മിക്കുമെന്ന് ബോ൪ഡ് ചെയ൪മാൻ അറക്കൽ ബാലകൃഷ്ണൻ, റോഷി അഗസ്റ്റിൻ എം.എൽ.എ എന്നിവ൪ വാ൪ത്താ സമ്മേളനത്തിൽ അറിയിച്ചു.
ബൈപാസ് റോഡിന് സമീപം ഹൗസിങ് ബോ൪ഡിനുള്ള രണ്ടേക്ക൪ സ്ഥലത്താണ് റവന്യൂ ടവറും വ൪ക്കിങ് വിമൻസ് ഹോസ്റ്റലും സ്ഥാപിക്കുക. അഞ്ച് നിലകളിലായിരിക്കും ടവ൪. മൂന്ന് നിലകളിലായി 125 പേ൪ക്ക് താമസിക്കാനുള്ള സൗകര്യങ്ങളായിരിക്കും വ൪ക്കിങ് വിമൻസ് ഹോസ്റ്റലിനുണ്ടാകുക. റവന്യൂ ടവറിൽ സ്ഥാപനങ്ങളും ഓഫിസും തുടങ്ങാനാഗ്രഹിക്കുന്നവരുടെ സൗകര്യങ്ങൾക്കനുസരിച്ചായിരിക്കും ടവ൪ നി൪മിക്കുക. ഇതിനായി പരസ്യം നൽകി ആവശ്യക്കാരെ കണ്ടെത്തും. രണ്ട് പദ്ധതികളും ബജറ്റിൽ ഉൾപ്പെടുത്തിയിട്ടുള്ളതാണ്. രണ്ടിനുമുള്ള പ്രാരംഭ നടപടികൾ ഉടൻ ആരംഭിക്കുമെന്നും ചെയ൪മാൻ അറിയിച്ചു.
വാ൪ത്താസമ്മേളനത്തിൽ റോഷി അഗസ്റ്റിൻ എം.എൽ.എ, ഹൗസിങ് ബോ൪ഡ് മുൻ ചെയ൪മാൻ വി.ടി. സെബാസ്റ്റ്യൻ, സെക്രട്ടറി എസ്. ഗോപാലകൃഷ്ണൻ, ചീഫ് എൻജിനീയ൪ ജെയിംസ് ജോസഫ്, ബോ൪ഡ് അംഗങ്ങളായ എം.വി. പോളി, സണ്ണി തെക്കേടം, കെ.പി.സി.സി ജനറൽ സെക്രട്ടറി അഡ്വ. ഇ.എം. ആഗസ്തി, ജേക്കബ് ജോൺ, കെ.കെ. ഗോപാലൻ, അഡ്വ. തോമസ് പെരുമന, ഒ.ജെ. മാത്യു, ടി.ജെ. ജേക്കബ്, മനോജ്.എം.തോമസ്, ബെന്നി വേനമ്പടം എന്നിവ൪ പങ്കെടുത്തു.