സാല്‍മിയയില്‍ 1574 കുപ്പി മദ്യം പിടികൂടി

കുവൈത്ത് സിറ്റി: മദ്യനി൪മാണ കേന്ദ്രത്തിൽ നടന്ന റെയ്ഡിൽ പൊലീസ് 1574 കുപ്പി മദ്യം പിടികൂടി.
രഹസ്യവിവരം ലഭിച്ചതിനെ തുട൪ന്ന് സാൽമിയയിൽ വിദേശികൾ നടത്തിവന്ന മദ്യനി൪മാണ കേന്ദ്രത്തിലാണ് പൊലീസ് പരിശോധന നടത്തിയത്. മദ്യക്കുപ്പികൾക്ക് പുറമെ നി൪മിക്കാനാവശ്യമായ സാധനങ്ങൾ അടക്കം ചെയ്ത 54 ബാരലുകളും വാറ്റ് ഉപകരണങ്ങളും പൊലീസ് കണ്ടെടുത്തു.
സമാനമായ മറ്റൊരു സംഭവത്തിൽ മയക്കുമരുന്ന് കടത്തുമായി ബന്ധപ്പെട്ട് അബ്ദലി ചെക്ക്പോസ്റ്റിൽ ഒരു പാകിസ്ഥാനി ഡ്രൈവ൪ പിടിയിലായി. ലോറിയുമായി ഇറാഖിൽപോയി തിരിച്ചുവരികയായിരുന്ന ഇയാൾ വാഹനത്തിൻെറ രഹസ്യഭാഗത്ത് ഒളിപ്പിച്ച് മയക്കുമരുന്ന് കടത്താൻ ശ്രമിക്കുകയായിരുന്നു. ഡ്രൈവറുടെ നീക്കത്തിൽ പന്തീകേട് തോന്നിയ കസ്റ്റംസ് അധികൃത൪ വാഹനത്തിൽ സൂഷ്മ പരിശോധന നടത്തിയാണ് മയക്കുമരുന്ന് ശേഖരം പിടികൂടിയത്.