വോട്ടര്‍മാരെ സ്വാധീനിക്കാന്‍ പണവും സാരിയും; ദമ്പതികള്‍ പിടിയില്‍

മറയൂര്‍: വോട്ടര്‍മാരെ സ്വാധീനിക്കാനായി കൊണ്ടുവന്ന പണവും സാരിയും സ്വെറും സഹിതം ദമ്പതികളെ പിടികൂടി. കഴിഞ്ഞദിവസം രാത്രി എക്സൈസ് സംഘം വാഹനപരിശോധന നടത്തുന്നതിനിടെയാണ് സംഭവം. മൂന്നാര്‍ പഞ്ചായത്തിലെ ഗുണ്ടുമല ഒന്നാം ഡിവിഷനിലെ എ.ഡി.എം.കെ സ്ഥാനാര്‍ഥി ഭാഗ്യലക്ഷ്മിക്കുവേണ്ടി തമിഴ്നാട്ടില്‍നിന്ന് പണവും മറ്റും കൊണ്ടുവന്ന എ.ഡി.എം.കെ നേതാക്കളും തോക്കുപാറ സ്വദേശികളുമായ ചൂട്ട് സ്വാമിയും ആര്യ മല്ലികയുമാണ് പിടിയിലായത്. ഇവരോടൊപ്പം ആറു വോട്ടര്‍മാരും ഉണ്ടായിരുന്നു.

24,000 രൂപയാണ് ഇവരില്‍നിന്ന് കണ്ടെടുത്തത്. തമിഴ്നാട്ടിലെ ഒമ്പതാറില്‍നിന്നായിരുന്നു ഇവര്‍ കേരളത്തിലേക്ക് എത്തിയത്. ജനപ്രാതിനിധ്യ നിയമപ്രകാരം മജിസ്ട്രേറ്റിന് മുന്നില്‍ പ്രതികളെ ഹാജരാക്കിയാണ് കേസ് രജിസ്റ്റര്‍ ചെയ്തത്.