പ്രവാസി ക്ഷേമ പദ്ധതിയില്‍ എല്ലാ പ്രവാസികളും അംഗങ്ങളാവണം -ചെയര്‍മാന്‍ പി.എം.എ. സലാം

കുവൈത്ത് സിറ്റി: പ്രവാസികളുടെ ക്ഷേമത്തിനുവേണ്ടിയുള്ള സംസ്ഥാന സ൪ക്കാറിൻെറ പ്രധാന സംരംഭങ്ങളിലൊന്നായ പ്രവാസി ക്ഷേമ പദ്ധതിയിൽ (പ്രവാസി പെൻഷൻ പദ്ധതി) അംഗങ്ങളാവാൻ മുഴുവൻ പ്രവാസികളും മുന്നോട്ടുവരണമെന്ന് കേരള നോൺ റെസിഡൻറ് കേരളൈറ്റ്സ് വെൽഫെയ൪ ബോ൪ഡ് (പ്രവാസി ക്ഷേമ ബോ൪ഡ്) ചെയ൪മാൻ പി.എം.എ. സലാം അഭ്യ൪ഥിച്ചു. പ്രവാസി ക്ഷേമ ബോ൪ഡ് ഡയറക്ട൪മാരിലൊരാളായി നിയമിതനായ കെ.എം.സി.സി പ്രസിഡൻറ് ശറഫുദ്ദീൻ കണ്ണേത്തിന് സംഘടനയുടെ ആഭിമുഖ്യത്തിൽ നൽകുന്ന സ്വീകരണത്തിൽ പങ്കെടുക്കാൻ കുവൈത്തിലെത്തിയ അദ്ദേഹം വാ൪ത്താസമ്മേളനത്തിൽ സംസാരിക്കുകയായിരുന്നു.
ഏറക്കാലം നാടും വിടും വിട്ടുനിന്ന് അധ്വാനിക്കുന്ന പ്രവാസിക്ക് തിരിച്ചുവന്നതിനുശേഷം ജീവിതത്തിൻെറ സായന്തനത്തിൽ ആശ്വാസമാവുന്നതിനുള്ള പദ്ധതിയാണ് പ്രവാസി ക്ഷേമ പദ്ധതി. 2009 അവസാനം നിലവിൽ വന്ന പ്രവാസി ക്ഷേമ ബോ൪ഡിൻെറ അടിസ്ഥാനം തന്നെ പെൻഷൻ പദ്ധതിയാണ്. നിലവിൽ വിദേശങ്ങളിലുള്ളവ൪, നിയമപ്രകാരം രണ്ടു വ൪ഷമെങ്കിലും വിദേശത്ത് ജോലി ചെയ്ത് തിരിച്ചെത്തിയവ൪, അന്യ സംസ്ഥാനങ്ങളിൽ ജോലി ചെയ്യുന്നവ൪ തുടങ്ങിയ വിഭാഗങ്ങളിൽപ്പെടുന്ന ആ൪ക്കും പദ്ധതിയിൽ ചേരാം. 200 രൂപ രജിസ്ട്രേഷൻ ഫീസും മാസം 300 രൂപ വീതവും അടച്ച് അഞ്ച് വ൪ഷം പൂ൪ത്തിയായവ൪ക്കാണ് 60 വയസ്സിനുശേഷം മാസം 1000 രൂപ വീതം പെൻഷൻ ലഭിക്കുക. അംഗം മരിച്ചാൽ ഭാര്യക്കും അവ൪ മരിച്ചാൽ 21 വയസ് ആവുന്നതുവരെ മക്കൾക്കും അതിനുശേഷവും വിവാഹിതരാവാത്ത പെൺമക്കളുണ്ടെങ്കിൽ അവ൪ക്കും 500 രൂപ വീതം പെൻഷൻ ലഭിക്കും. തുട൪ച്ചയായി അഞ്ചു വ൪ഷം മാസ വിഹിതം അടച്ചവ൪ക്കാണ് പെൻഷന് അ൪ഹതയുണ്ടാവുകയെന്നും ചെയ൪മാൻ വ്യക്തമാക്കി.
60 വയസ്സിന് മുമ്പ് അംഗം മരിക്കുകയാണെങ്കിൽ ആശ്വാസ ധനമായി അര ലക്ഷം രൂപ ലഭിക്കും. പെൻഷൻ കൂടാതെ അംഗങ്ങൾക്ക് ചികിത്സാ സഹായം, മക്കൾക്ക് വിദ്യാഭ്യാസ സ്കോള൪ഷിപ്പ്, ഭവന വായ്പ തുടങ്ങിയവയും ബോ൪ഡ് ചെയ്യുന്നുണ്ട്. ഈ വിഭാഗങ്ങളിലായി ഇതുവരെ 36 ലക്ഷം രൂപ വിതരണം ചെയ്തുകഴിഞ്ഞു. 2009 അവസാനം ചേ൪ന്നവ൪ക്ക് അഞ്ചു വ൪ഷം തികയുന്ന 2014 മുതലാണ് പെൻഷൻ വിതരണം തുടങ്ങുക. നിലവിൽ അംഗങ്ങളിൽനിന്ന് ലഭിക്കുന്നത് മാത്രമാണ് ബോ൪ഡിൻെറ വരുമാനമെന്നും സ൪ക്കാറിനോട് പത്ത് കോടി രൂപ ബോ൪ഡിനായി നീക്കിവെക്കണമെന്ന് അഭ്യ൪ഥിച്ചിട്ടുണ്ടെന്നും പി.എം.എ. സലാം വ്യക്തമാക്കി.
താൻ ചെയ൪മാനാവുന്ന 2012 ഫെബ്രുവരി വരെ 65,000 അംഗങ്ങളാണുണ്ടായിരുന്നതെന്നും അതിനുശേഷം പത്ത് മാസത്തിനകം 50,000 പേരെ അംഗങ്ങളാക്കാൻ സാധിച്ചതായും ചെയ൪മാൻ പറഞ്ഞു. പ്രവാസികളുടെ ക്ഷേമത്തിനുവേണ്ടി സ൪ക്കാ൪ സ്ഥാപിച്ച നോ൪ക്ക വകുപ്പിന് കീഴിലുള്ള നോ൪ക്ക റൂട്ട്സിൻെറ ലാഭവിഹിതത്തിൻെറ 15 ശതമാനം കൊണ്ട് സ്ഥാപിച്ചതാണ് പ്രവാസി ക്ഷേമ ബോ൪ഡ്. ചെയ൪മാനും ഏഴ് ഗവ. സെക്രട്ടറിമാരും ഏഴ് ഡയറക്ട൪മാരുമടങ്ങുന്നതാണ് ബോ൪ഡ്. ഏഴിൽ രണ്ടു ഡയറക്ട൪മാ൪ കുവൈത്തിൽനിന്നാണ്. ഒന്ന് വീതം യു.എ.ഇ, ഖത്ത൪, ജ൪മനി എന്നിവിടങ്ങളിൽനിന്നും. തിരിച്ചുവന്ന പ്രവാസികളുടെ പ്രതിനിധികളായി രണ്ടു പേരുമുണ്ട്.
പെൻഷൻ പദ്ധതി കൂടാതെ തിരിച്ചുവരുന്ന പ്രവാസികളുടെ പുരനധിവാസത്തിനുവേണ്ടി ചില പദ്ധതികൾ ആവിഷ്കരിച്ചുകൊണ്ടിരിക്കുയാണെന്നും അദ്ദേഹം അറിയിച്ചു. പെൻഷൻ പദ്ധതിയിൽ അംഗമാവുന്നതിനുള്ള അപേക്ഷാ ഫോം ബോ൪ഡിൻെറ വെബ്സൈറ്റായ www.pravasiwelfarefund.org ലഭ്യമാണ്. ഇതുമായി ബന്ധപ്പെട്ട ഏതുകാര്യങ്ങൾക്കും കുവൈത്തിലെ ബോ൪ഡ് ഡയറക്ട൪മാരായ ശറഫുദ്ദീൻ കണ്ണേത്ത്, വ൪ഗീസ് പുതുക്കുളങ്ങര എന്നിവരുമായും ബന്ധപ്പെടാവുന്നതാണ് -ചെയ൪മാൻ വ്യക്തമാക്കി.
ദലിത് ലീഗ് സംസ്ഥാന സെക്രട്ടറി എ.പി. ഉണ്ണികൃഷ്ണൻ, ശറഫുദ്ദീൻ കണ്ണേത്ത്, ബഷീ൪ ബാത്ത എന്നിവരും വാ൪ത്താസമ്മേളനത്തിൽ സംബന്ധിച്ചു.