ജോലിക്കെത്തിയവരെ തടഞ്ഞു; പാലായിലും കോട്ടയത്തും അറസ്റ്റ്

കോട്ടയം: പങ്കാളിത്ത പെൻഷൻ പദ്ധതി പിൻവലിക്കണമെന്നാവശ്യപ്പെട്ട് സ൪ക്കാ൪ ജീവനക്കാരും അധ്യാപകരും ആരംഭിച്ച അനിശ്ചിതകാല സമരത്തിൻെറ ഭാഗമായി ജോലിക്കെത്തിയവരെ തടഞ്ഞസംഭവത്തിൽ മൂന്നുപേരെ പൊലീസ് അറസ്റ്റ് ചെയ്തു.
എൻ.ജി.ഒ യൂനിയൻ സിവിൽസ്റ്റേഷൻ ബ്രാഞ്ച് സെക്രട്ടറി പഞ്ചായത്ത് ഡെപ്യൂട്ടി ഡയറക്ട൪ ഓഫിസിലെ എൽ.ഡി ക്ള൪ക്ക് ടി.എസ്. ഉണ്ണി (35), റവന്യൂലാൻഡ് അക്വിസിഷൻ എൽ.ഡി ക്ള൪ക്ക് അയ്മനം കാ൪ത്തികകോളനി സുജിത്സെൻ (35), വിദ്യാഭ്യാസവകുപ്പ് എൽ.ഡി ക്ള൪ക്ക് പായിപ്പാട് തുണ്ടിയിൽപറമ്പിൽ ടി.സി.രാജു (45) എന്നിവരെയാണ് അറസ്റ്റ് ചെയ്തത്. വ്യാഴാഴ്ച രാവിലെ 10.30ന് പണിമുടക്കിൻെറ ഭാഗമായി സമരാനുകൂലികൾ കലക്ടറേറ്റിലെ പ്രധാനകവാടം ഉപരോധിക്കുകയായിരുന്നു. വഴിയിൽകിടന്ന് മാ൪ഗതടസ്സം സൃഷ്ടിച്ച സ൪ക്കാ൪ ജീവനക്കാരെ കോട്ടയം ഈസ്റ്റ് പൊലീസ് ബലപ്രയോഗത്തിലൂടെ കീഴടക്കിയത് നേരിയ സംഘ൪ഷത്തിന് വഴിവെച്ചു. എൻ.ജി.ഒ യൂനിയൻ നേതാവ് ഉണ്ണിയടക്കമുള്ളവരെ കസ്റ്റഡിയിലെടുത്തതിൽ പ്രതിഷേധിച്ച് കലക്ടറേറ്റിന് മുന്നിൽ പ്രതിഷേധപ്രകടനവും നടന്നു. നിരവധി ഓഫിസുകൾ പ്രവ൪ത്തിക്കുന്ന കോട്ടയം മിനിസിവിൽസ്റ്റേഷനിലേക്ക് ജോലിക്കെത്തിയവരെ തടഞ്ഞത് നേരിയ സംഘ൪ഷമുണ്ടാക്കി. പ്രധാനഗേറ്റിന് മുന്നിൽ കിടന്ന് പ്രതിഷേധിച്ചവരെ കോട്ടയം വെസ്റ്റ്പൊലീസ് ബലപ്രയോഗത്തിലൂടെ ജീപ്പിൽ കയറ്റിക്കൊണ്ടുപോവുകയായിരുന്നു. ഇവിടെനിന്നാണ് സുജിത് സെൻ, ടി.സി.രാജു എന്നിവരെ അറസ്റ്റ്ചെയ്ത്. പിന്നീട് ഇവരെ ജാമ്യത്തിൽ വിട്ടയച്ചു.
പാലാ: സിവിൽസ്റ്റേഷന് മുന്നിൽ സമരക്കാരും പൊലീസും തമ്മിൽ നേരിയ സംഘ൪ഷം. 27 സമരക്കാരെ അറസ്റ്റ് ചെയ്ത് നീക്കി. പാലാ മജിസ്ട്രേറ്റ് കോടതിയിൽ ഹാജരാക്കിയ ഇവരെ ജാമ്യത്തിൽ വിട്ടു.
വ്യാഴാഴ്ച രാവിലെ ഒമ്പതോടെ സമരാനുകൂലികളായ ജീവനക്കാ൪ സംഘടിച്ച് സിവിൽസ്റ്റേഷനുമുന്നിൽ മുദ്രാവാക്യം വിളിച്ചു. പിരിഞ്ഞുപോകണമെന്ന് പൊലീസ് ആവശ്യപ്പെട്ടെങ്കിലും കൂട്ടാക്കിയില്ല. പൊലീസ് ബലം പ്രയോഗിച്ച് അറസ്റ്റ് ചെയ്യാൻ ശ്രമിച്ചതോടെ ഉന്തും തള്ളുമായി.
സിവിൽ സ്റ്റേഷനിലെ മൂന്ന് വനിതാ ജീവനക്കാ൪ ഉൾപ്പെടെയാണ് 27 പേരെ അറസ്റ്റുചെയ്തത്. സമരത്തെ യൂത്ത് കോൺഗ്രസുകാരെയും പൊലീസിനെയും ഉപയോഗിച്ച് പരാജയപ്പെടുത്താൻ ശ്രമിച്ചാൽ നേരിടുമെന്ന് സമരസമിതി ചെയ൪മാൻ ബാബു കെ.ജോ൪ജ്, കെ.ജെ. ജോൺ, അനിൽ ഗോപിനാഥ്, അഡ്വ.വി.ജി. വേണുഗോപാൽ, അഡ്വ. സണ്ണി ഡേവിഡ് എന്നിവ൪ പറഞ്ഞു.
പൊൻകുന്നം: മൂന്നുനാൾ പിന്നിടുമ്പോഴും പൊൻകുന്നം വാഴൂ൪, കറുകച്ചാൽ മേഖലകളിൽ സമരം സമാധാനപരം. ഹാജ൪നില രണ്ടാം ദിവസത്തെക്കാൾ മാറ്റമില്ലാതെ തുട൪ന്നു. പൊൻകുന്നം ഡി.ഇ.ഒ ഓഫിസിലെ 23 ജീവനക്കാരിൽ 11 ഉം ചിറക്കടവ് ഗ്രാമപഞ്ചായത്തിലെ 15 ൽ ഒമ്പതുപേരും സമരത്തിൽ പങ്കെടുത്തു. വാഴൂ൪ എസ്.വി.ആ൪.എൻ.എസ്.എസ് ഹൈസ്കൂളിലെ 26 ജീവനക്കാരിൽ ആരും പണിമുടക്കിയില്ല.