ഇറാഖില്‍ എം.പി കൊല്ലപ്പെട്ടു

ബഗ്ദാദ്: പടിഞ്ഞാറൻ ഇറാഖിലെ അൻബാ൪ പ്രവിശ്യയിൽ പാ൪ലമെൻറ് അംഗവും നാല് അംഗരക്ഷകരും ചാവേ൪ ആക്രമണത്തിൽ കൊല്ലപ്പെട്ടു. ഭരണകക്ഷി അംഗമായ അയ്ഫാൻ സദൂൻ അൽഈസവിയാണ് കൊല്ലപ്പെട്ടത്. ഫലൂജക്ക് തെക്കുഭാഗത്ത് നടക്കുന്ന റോഡ് നി൪മാണം നിരീക്ഷിക്കാനെത്തിയപ്പോഴായിരുന്നു ആക്രമണം. സംഭവത്തിൽ മൊത്തം ഏഴുപേ൪ മരിച്ചതായാണ് ഇവിടത്തെ ആശുപത്രി അധികൃത൪ പറയുന്നത്. ഏഴുപേ൪ക്ക് പരിക്കുണ്ട്.