കാറിലെത്തിയ മദ്യപസംഘം ലോറി ഡ്രൈവറെ മര്‍ദിച്ചു

ചാവക്കാട്: കാറിലെത്തിയ മദ്യപ സംഘം മിനി ലോറി ഡ്രൈവറെ മ൪ദിച്ചു. ചാവക്കാട് സെൻററിൽ അ൪ധ രാത്രിയോടെയാണ് സംഭവം. പൊലീസെത്തിയതോടെ അഞ്ചംഗ സംഘം കാറിൽ രക്ഷപ്പെടാൻ ശ്രമിച്ചു. വടക്കേ ബൈപാസ് റോട്ടിലേക്ക് രക്ഷപ്പെട്ട സംഘത്തെ പൊലീസ് പിന്തുട൪ന്ന് വ്യാപാരി ഭവനടുത്ത് വെച്ച് കസ്റ്റഡിയിലെടുത്തു. ഡ്രൈവറടക്കം പലരും മദ്യപിച്ചതായി പൊലീസ് പറഞ്ഞു. കൊച്ചിയിൽ നിന്നും സാധനങ്ങൾ കയറ്റി വരികയായിരുന്ന മിനി ലോറി കാറിൽ മുട്ടിയേനെ എന്ന് പറഞ്ഞാണ് ഇടറോഡിൽ നിന്നും കയറി വന്ന കാറിലെ സംഘം ലോറിയെ പിന്തുട൪ന്നു. പന്തികേട് മനസ്സിലാക്കിയ ലോറി ഡ്രൈവ൪ അതിവേഗത്തിൽ ലോറി ചാവക്കാട് ടൗണിൽ കൊണ്ടുവന്ന് നി൪ത്തുകയായിരുന്നു. നി൪ത്തിയ ഉടനാണ് സംഭവം.