അഫ്ഗാനില്‍ ചാവേര്‍ ആക്രമണം; അഞ്ചു മരണം

കാബൂൾ: അഫ്ഗാനിസ്താനിലെ കാപിസ പ്രവിശ്യയിൽ നാറ്റോ വാഹന വ്യൂഹത്തിന് നേരെയുണ്ടായ ചാവേ൪ ബോംബാക്രമണത്തിൽ അഞ്ച് സിവിലിയന്മാ൪ കൊല്ലപ്പെട്ടു. 15 പേ൪ക്ക് പരിക്കേറ്റു. നാറ്റോ സൈനിക൪ക്ക് ജീവാപായമുണ്ടായതായി റിപ്പോ൪ട്ടില്ല.
എഗാബ് ജില്ലയിലെ വിദൂര ഗ്രാമത്തിലാണ് ആക്രമണമുണ്ടായത്. നാറ്റോ വാഹനത്തിനുനേരെയാണ് ആക്രമണമുണ്ടായതെങ്കിലും ലക്ഷ്യം തെറ്റി സമീപത്തെ വീട് തകരുകയായിരുന്നു. കൊല്ലപ്പെട്ടവരിൽ നാലുപേരും വീടിനകത്തുള്ളവരായിരുന്നു. മോട്ടോ൪ സൈക്കിളിൽ സഞ്ചരിക്കുന്നയാളും കൊല്ലപ്പെട്ടു. ആക്രമണത്തിൻെറ ഉത്തരവാദിത്തം താലിബാൻ ഏറ്റെടുത്തു. സംഭവത്തിൽ 12 അമേരിക്കൻ സൈനിക൪ കൊല്ലപ്പെട്ടതായി താലിബാൻ വക്താവ് സബീഉല്ല മുജാഹിദ് പറഞ്ഞു.