മുനമ്പത്ത് വീടുകയറി ആക്രമണം; മൂന്നുപേര്‍ക്ക് പരിക്ക്

വൈപ്പിൻ: മുനമ്പം ബീച്ച് റോഡിൽ താമസിക്കുന്ന മാളിയേക്കൽ റോക്കിയുടെ വീട്ടിൽ കടന്ന് പത്തോളംപേ൪ ആക്രമണം നടത്തിയതായി പരാതി. ശനിയാഴ്ച വൈകുന്നേരം മൂന്നരയോടെ ബൈക്കിലും ഓട്ടോയിലും എത്തിയവരാണ് ആക്രമിച്ചത്. പരിക്കേറ്റ മാളിയേക്കൽ റോക്കിയുടെ മകൻ റോഷിൽ, അമ്മ കുഞ്ഞമ്മ, കൊച്ചാപ്പൻ സേവ്യ൪ എന്നിവരെ മുനമ്പം സ൪ക്കാ൪ ആശുപത്രിയിൽ പ്രവേശിപ്പിച്ചു. മിനിഫിഷിങ് ഹാ൪ബറിലെ കയറ്റിറക്ക് തൊഴിലാളിയാണ് റോഷിൽ.
രാവിലെ ഉണ്ടായ സംഭവത്തിൽ മിഥുൻ എന്നയാൾക്ക് വലക്കത്തികൊണ്ട് മുറിവേറ്റിരുന്നു. ഇയാളെ മെഡിക്കൽ ട്രസ്റ്റ് ആശുപത്രിയിൽ പ്രവേശിപ്പിച്ചിട്ടുണ്ടെന്ന് മുനമ്പം പൊലീസ് അറിയിച്ചു.