അനര്‍ഹരായ ബി.പി.എല്‍ കാര്‍ഡ് ഉടമകള്‍ക്കെതിരെ നടപടി തുടങ്ങി

പാലക്കാട്: ജില്ലയിൽ കലക്ടറുടെ നി൪ദേശപ്രകാരം അസി. കലക്ട൪ എസ്. കാ൪ത്തികേയൻെറ നേതൃത്വത്തിൽ നടത്തിയ പരിശോധനയിൽ അന൪ഹമായി ബി.പി.എൽ കാ൪ഡ് കൈവശം വെക്കുന്നവരെ കണ്ടെത്തി. ചിറ്റിലഞ്ചേരി, കുഴൽമന്ദം, എരിമയൂ൪, പാലക്കാട് ടൗൺ എന്നിവിടങ്ങളിലാണ് പരിശോധന നടന്നത്.
30 ശതമാനം ബി.പി.എൽ ഉപഭോക്താക്കളും അന൪ഹരാണെന്ന് കണ്ടെത്തി. ഇതിൽ പലരും വാ൪പ്പ് കെട്ടിടം, വാഹനങ്ങൾ, എൽ.സി.ഡി ടെലിവിഷൻ, മുന്തിയ ഇനം ഇലക്ട്രോണിക്സ് ഉപകരണങ്ങൾ തുടങ്ങിയ സൗകര്യങ്ങളുള്ളവരും ഉയ൪ന്ന വരുമാനക്കാരുമാണ്. ഇതിന് വിരുദ്ധമായി താഴ്ന്ന വരുമാനക്കാരും നിത്യ ജീവിതത്തിന് കഷ്ടപ്പെടുന്നവരുമായ ചില൪ക്ക് എ.പി.എൽ കാ൪ഡാണ് ഉള്ളതെന്നും ബോധ്യമായി.
പരിശോധനക്ക് റേഷൻ കാ൪ഡ് കാണിക്കാത്തവ൪ക്കെതിരെ പ്രോസിക്യൂഷൻ ഉൾപ്പെടെ നടപടി സ്വീകരിക്കുമെന്നും വരും ദിവസങ്ങളിൽ പരിശോധന ക൪ശനമാക്കുമെന്നും കലക്ട൪ അറിയിച്ചു. അന൪ഹമായി ബി.പി.എൽ കാ൪ഡ് കൈവശം വെച്ച ഉയ൪ന്ന വരുമാനക്കാരും സ൪ക്കാ൪, അ൪ധ സ൪ക്കാ൪ ജീവനക്കാരും കാ൪ഡ് ബന്ധപ്പെട്ട താലൂക്ക് സപൈ്ള ഓഫിസ൪ക്ക് തിരിച്ച് നൽകണം. ഇതുമായി ബന്ധപ്പെട്ട പരാതികൾ കലക്ടറേറ്റിൽ 24 മണിക്കൂറും പ്രവ൪ത്തിക്കുന്ന കൺട്രോൾ റൂം നമ്പറായ 0491-2505309ൽ അറിയിക്കണമെന്നും കലക്ട൪ അറിയിച്ചു.