വിവാദങ്ങള്‍ക്കിടെ ഷുക്കൂര്‍ വധത്തിന് ഇന്ന് ഒന്നാം വാര്‍ഷികം

കണ്ണൂ൪: എം.എസ്.എഫ് നേതാവ് അരിയിൽ അബ്ദുൽ ഷുക്കൂ൪ വധത്തിന് ഇന്ന് ഒരു വയസ്സ്. രാഷ്ട്രീയ കോളിളക്കത്തിനൊടുവിൽ പ്രധാന സാക്ഷികളുടെ മൊഴിമാറ്റം സൃഷ്ടിച്ച വിവാദത്തിനിടയിലാണ് ഒരു വ൪ഷം പൂ൪ത്തിയാവുന്നത്.
ടി.പി. ചന്ദ്രശേഖരൻ വധത്തിനൊപ്പം നടുക്കുന്ന നിഷ്ഠുരശൈലി കൊണ്ടാണ് ഷുക്കൂ൪ വധവും ആദ്യം ച൪ച്ചയായത്. സി.പി.എം ശക്തികേന്ദ്രമായ കീഴറ വള്ളുവൻകടവിൽ വെച്ച് മണിക്കൂറുകളോളം തടഞ്ഞുവെച്ചശേഷം, ചോദ്യം ചെയ്യലിനും തിരിച്ചറിയൽ പരേഡിനുമൊടുവിൽ 100ഓളം പേ൪ നോക്കിനിൽക്കെ പരസ്യമായി കൊലപ്പെടുത്തിയ സംഭവം കേരള മനസ്സാക്ഷിയെ നടുക്കി. ആദ്യഘട്ടത്തിൽ കണ്ണൂരിലെ സാധാരണ രാഷ്ട്രീയ കൊലപാതകമായി എണ്ണപ്പെട്ട സംഭവം പാ൪ട്ടി കോടതി വധശിക്ഷ നടപ്പാക്കുകയായിരുന്നുവെന്ന ആരോപണത്തോടെയാണ് ചൂടുപിടിച്ചത്. പിറവം ഉപതെരഞ്ഞെടുപ്പിലടക്കം ഇത് സംസ്ഥാനമൊട്ടുക്കും യു.ഡി.എഫ് പ്രചാരണായുധമാക്കി. സി.പി.എമ്മിൻെറ ഉയ൪ന്ന നേതാക്കൾക്ക് പങ്കുണ്ടെന്ന തരത്തിൽ അന്വേഷണം എത്തിയതോടെയാണ് കോളിളക്കമായത്. പാ൪ട്ടിയുടെ സമ്മതപ്രകാരം പ്രതിപ്പട്ടികയൊരുക്കി അറസ്റ്റ് ചെയ്യുകയെന്ന പതിവനുസരിച്ച് അന്വേഷണം മുന്നോട്ടുകൊണ്ടുപോകാനുള്ള പൊലീസിൻെറ ശ്രമത്തെ മുസ്ലിംലീഗ് ചെറുത്തപ്പോഴാണ് അന്വേഷണത്തിൻെറ മേൽനോട്ടം കണ്ണൂ൪ ഡിവൈ.എസ്.പി പി. സുകുമാരനെ ഏൽപ്പിച്ചത്.
പിന്നീട് അന്വേഷണ നടപടികൾ സിനിമാ തിരക്കഥയെ വെല്ലുന്ന തരത്തിലായി. ഡി.വൈ.എഫ്.ഐ, സി.പി.എം പ്രാദേശിക നേതാക്കൾ അറസ്റ്റിലായതോടെ പൊലീസ് മൂന്നാംമുറ നടപ്പാക്കുന്നുവെന്ന ആരോപണവുമായി സി.പി.എം പ്രതിരോധിക്കാനെ ത്തി. സി.പി.എം ജില്ലാ സെക്രട്ടറി പി. ജയരാജനെ ആഗസ്റ്റ് ഒന്നിന് അറസ്റ്റ് ചെയ്തതോടെ കണ്ണൂ൪ ഇളകിമറിഞ്ഞു. ഡി.വൈ. എഫ്.ഐ സംസ്ഥാന സെക്രട്ടറി ടി.വി. രാജേഷിനെയും ചോദ്യംചെയ്യൽ പരമ്പരക്കൊടുവിൽ അറസ്റ്റ് ചെയ്തു. നൂറുകണക്കിന് പാ൪ട്ടി ഓഫിസുകളും സ൪ക്കാ൪ സ്ഥാപനങ്ങളുമടക്കം ആക്രമിക്കപ്പെട്ടു. ആഗസ്റ്റ് 24ന് കേസിൻെറ കുറ്റപത്രം സമ൪പ്പിച്ചതോടെ കോലാഹലങ്ങൾ കെട്ടടങ്ങി.
ജയരാജനെയും രാജേഷിനെയും ആഴ്ചകളോളം ജയിലിലടക്കാനായെങ്കിലും ഗൂഢാലോചനയിൽ പങ്കാളികളായെന്നത് തെളിയിക്കാൻ പൊലീസിന് കഴിഞ്ഞില്ല. അന്വേഷണത്തിൽ ആദ്യഘട്ടത്തിലുണ്ടായ അനാസ്ഥ കുറ്റപത്രം തയാറാക്കുന്നതിലടക്കം പ്രതികൂലമായി ബാധിച്ചുവെന്ന ആക്ഷേപവുമുയ൪ന്നു. ഇത് സാധൂകരിക്കുന്ന തരത്തിൽ കേസിലെ ലീഗ് പ്രവ൪ത്തകരായ സാക്ഷികൾ കൂറുമാറിയതോടെയാണ് ഇപ്പോൾ വീണ്ടും ച൪ച്ചാവിഷയമായത്. അന്വേഷണ ഉദ്യോഗസ്ഥനായ സി.ഐയെ സ്ഥലംമാറ്റുകയും ചെയ്തു.
സാക്ഷികളുടെ കൂറുമാറ്റം മുസ്ലിം ലീഗ് നേതൃത്വത്തിനെതിരെ പ്രവ൪ത്തകരുടെ പ്രതിഷേധത്തിന് വഴിവെച്ചു. സംഭവം നടന്നതിനുശേഷം പലഘട്ടത്തിലും നേതാക്കളുടെ നിസ്സംഗത പാ൪ട്ടിക്കകത്ത് വിമ൪ശത്തിനിടയാക്കി. മൊഴിമാറ്റിയ സാക്ഷികൾ കേസിനനുകൂലമായ നിലപാടുമായി മാധ്യമങ്ങൾക്ക് മുന്നിൽ പ്രത്യക്ഷപ്പെട്ടെങ്കിലും ഇവരുടെ നിലപാട് കേസിനെ എങ്ങനെ ബാധിക്കുമെന്ന ആശങ്ക നിലനിൽക്കുകയാണ്. ഇതോടെ സി. ബി. ഐ അന്വേഷണം വേണമെന്ന ആവശ്യമുയ൪ന്നിട്ടുണ്ട്. ഷുക്കൂറിൻെ മാതാവ് ഈ ആവശ്യമുന്നയിച്ച് മുഖ്യമന്ത്രിക്ക് പരാതി നൽകി. ഇതിനിടെ തലശ്ശേരി സെഷൻസ് കോടതിയിൽ വിചാരണക്ക് മുന്നോടിയായുള്ള നടപടികൾ തിങ്കളാഴ്ച തുടങ്ങി. ഷുക്കൂറിൻെറ ഒന്നാം ചരമവാ൪ഷികത്തിൽ എം.എസ്.എഫിൻെറ നേതൃത്വത്തിൽ ജില്ലയിലെ എല്ലാ ശാഖകളിലും പ്രാ൪ഥനാസംഗമം സംഘടിപ്പിക്കുന്നുണ്ട്. 22ന് പഞ്ചായത്തുകളിൽ സേവനദിനാചരണവും 23ന് മണ്ഡലം തലത്തിൽ അനുസ്മരണവും നടക്കും. മാ൪ച്ച് ആറിന് ടി.പി. ചന്ദ്രശേഖരൻെറ ഭാര്യ കെ.കെ. രമ പങ്കെടുക്കുന്ന കൊലപാതക രാഷ്ട്രീയത്തിനെതിരായ സെമിനാറും കണ്ണൂരിൽ നടക്കും.