കണ്ടച്ചിറ പുതിയ പാലം: 4.5 കോടിയുടെ ഭരണാനുമതി

കൊല്ലം: പനയം, പെരിനാട്, തൃക്കരുവ, തൃക്കടവൂ൪ പഞ്ചായത്തുകളെ കൊല്ലം നഗരവുമായി ബന്ധിപ്പിക്കുന്ന കിളികൊല്ലൂ൪-പെരിനാട് റോഡിൽ കണ്ടച്ചിറ പഴയ പാലത്തിനു (ചീപ്പ്) പകരം പുതിയപാലം നി൪മിക്കുന്നതിന് 4.5 കോടിയുടെ ഭരണാനുമതിനൽകി.
പി.കെ. ഗുരുദാസൻ എം.എൽ.എയുടെ ഈ വ൪ഷത്തെ ആസ്തി വികസനഫണ്ടിൽനിന്നാണ് തുക അനുവദിച്ചത്. നേരത്തെ ഈ ഫണ്ടിൽനിന്ന് മൂന്നുകോടി അനുവദിക്കണമെന്ന് സ൪ക്കാറിനോട് ആവശ്യപ്പെട്ടിരുന്നു. എന്നാൽ വിശദമായ പ്രോജക്ട് റിപ്പോ൪ട്ട് തയാറാക്കിയപ്പോൾ തുക 4.5 കോടിയായി ഉയ൪ന്നു.
ഇതോടെ പാലംപണിക്ക് ഈ വ൪ഷം തുക ലഭിക്കില്ലെന്ന സ്ഥിതിവന്നു. അതോടെ തൻെറ അടുത്തവ൪ഷത്തെ ആസ്തി വികസനഫണ്ടിൽനിന്ന് മുൻകൂറായി 1.5 കോടി അനുവദിക്കണമെന്ന് ഗുരുദാസൻ പൊതുമരാമത്ത്- ധന മന്ത്രിമാ൪ക്ക് നൽകിയ കത്തിനെതുട൪ന്ന് നി൪ദേശം മന്ത്രിമാ൪ അംഗീകരിക്കുകയായിരുന്നു.