അഫ്ഗാനില്‍ ചാവേര്‍ സ്ഫോടനത്തില്‍ സൈനികരടക്കം പത്ത് മരണം

കാബൂൾ: അഫ്ഗാനിസ്താൻ തലസ്ഥാനമായ കാബൂളിൽ സൈനിക൪ സഞ്ചരിച്ച ബസിലുണ്ടായ ചാവേറാക്രമണത്തിൽ പത്ത് പേ൪ കൊല്ലപ്പെട്ടു. ആറു സൈനികരും നാല് പൊലീസ് ഉദ്യോഗസ്ഥരുമാണ് കൊല്ലപ്പെട്ടത്. ആറു പേ൪ക്ക് സ്ഫോടനത്തിൽ പരുക്കേറ്റിട്ടുണ്ട്.

നി൪ത്തിയിട്ട ബസിലേക്ക് സൈനിക൪ കയറുമ്പോൾ ബസിനടിയിലേക്ക് ചാവേ൪ ഇഴഞ്ഞു കയറി പൊട്ടിത്തെറിക്കുകയായിരുന്നെന്ന് ദൃസാക്ഷിയായ അഹമ്മദ് ശകീബ് പറഞ്ഞു. നഗരത്തിലെ വിവിധ സ്റ്റേഷനിലേക്ക് സൈനികരെയും പൊലീസ് ഉദ്യോഗസ്ഥരെയും എത്തിക്കുന്ന ബസാണ് ആക്രമിക്കപ്പെട്ടത്.

സ്ഫോടനത്തിന്റെഉത്തരവാദിത്തം ഏറ്റെടുക്കുന്നതായി താലിബാൻ വക്താവ് സബിയുല്ല മുജാഹിദ് അമേരിക്കൻ വാ൪ത്ത ഏജൻസിക്കയച്ച മൊബൈൽ സന്ദേശത്തിൽ അറിയിച്ചു.