സ്വകാര്യ ബസ് തൊഴിലാളികളുടെ പണിമുടക്ക് പിന്‍വലിച്ചു

മാനന്തവാടി: കൂലിവ൪ധന ആവശ്യപ്പെട്ട് മാനന്തവാടി താലൂക്കിൽ സ്വകാര്യ ബസ് തൊഴിലാളികൾ വെള്ളിയാഴ്ച മുതൽ നടത്താനിരുന്ന അനിശ്ചിതകാല പണിമുടക്ക് പിൻവലിച്ചു.
ഡിവൈ.എസ്.പി എ.ആ൪. പ്രേംകുമാറിൻെറ അധ്യക്ഷതയിൽ ചേ൪ന്ന തൊഴിലാളി യൂനിയൻ നേതാക്കളുടെയും ബസ് ഓണേഴ്സ് അസോസിയേഷൻ ഭാരവാഹികളുടെയും ച൪ച്ചയിലാണ് തീരുമാനം. ഇതനുസരിച്ച് നേരത്തേ നിശ്ചയിച്ച 60 രൂപ കൂലി വ൪ധന അസോസിയേഷൻ ജില്ലയിൽ മുഴുവനായി നടപ്പാക്കുന്നതിൻെറ ഭാഗമായി മാനന്തവാടിയിൽ നടപ്പാക്കും.
അതുവരെ സമാശ്വാസമായി ദിനംപ്രതി 20 രൂപ തോതിൽ തൊഴിലാളികൾക്ക് കൂലി വ൪ധന നടപ്പാക്കാൻ തീരുമാനിച്ചു. ഇതോടെയാണ് പണിമുടക്ക് പിൻവലിച്ചത്.