ഫാക് ലന്‍ഡ് ദ്വീപുകള്‍ വീണ്ടും ബ്രിട്ടനൊപ്പം

സ്റ്റാൻലി: ഫാക്ലൻഡ് ദ്വീപ് നിവാസികൾ വീണ്ടും ബ്രിട്ടൻെറ പരമാധികാരം തെരഞ്ഞെടുത്തു. ഫാക്ലൻഡ് ദ്വീപുകളുടെ പരമാധികാരത്തിനുവേണ്ടിയുള്ള രണ്ടു ദിവസം നീണ്ട ഹിതപരിശോധനയിൽ 90 ശതമാനം വോട്ടുകൾ ബ്രിട്ടൻ നേടി.

ബ്രിട്ടനും അ൪ജൻറീനയും അവകാശവാദമുന്നയിക്കുന്ന ഫാക്ലൻഡ് ദ്വീപുകളിലെ ജനസംഖ്യ 2,900 ആണ്. വോട്ടവകാശമുള്ള 1,672 പേരിൽ 1517 പേരാണ് സമ്മതിദാനാവകാശം വിനിയോഗിച്ചത്.

വോട്ടെടുപ്പ് നടക്കുമ്പോൾ തന്നെ അ൪ജൻറീന ഹിതപരിശോധന തള്ളിക്കളഞ്ഞിരുന്നു. ഫാക്ലൻഡ് നിവാസികളുടെ തെരഞ്ഞെടുപ്പിനെ അ൪ജൻറീന മാനിക്കണമെന്ന് ബ്രിട്ടീഷ് പ്രധാനമന്ത്രി ഡേവിഡ് കാമറൂൺ പറഞ്ഞു. അ൪ജൻറീനയ്ക്ക് പിന്തുണയുമായി ചൈന രംഗത്തെത്തിയിരുന്നു.