ജിദ്ദ ഓപണ്‍ഫോറത്തില്‍ ഹുറൂബുകാരുടെ പരാതിപ്രവാഹം

ജിദ്ദ: ഇന്ത്യൻ കോൺസുലേറ്റ് വ്യാഴാഴ്ച സംഘടിപ്പിച്ച ഓപൺഫോറത്തിനെത്തിയ പ്രവാസികളിൽ അധികവും ഹുറൂബിൻെറ കെണിയിലകപ്പെട്ടവ൪. വിസയിൽ സൗദിയിൽ വന്ന ശേഷം ഇതുവരെ സ്പോൺസറെ കാണാത്തവരും ചുരുങ്ങിയ കാലയളവിനുള്ളിൽ സ്പോൺസറുടെ അടുക്കൽ നിന്നു മറ്റു ജോലികളിലേക്കു മാറി വ൪ഷങ്ങൾ പിന്നിട്ടവരും തൊഴിലിടത്തിലെ പീഡനങ്ങൾ കാരണം രക്ഷകരുതി ചാടിപ്പോന്നവരുമെല്ലാം ഇക്കൂട്ടത്തിലുണ്ടായിരുന്നു. ഹുറൂബ് കേസുകളിൽ പെട്ടവ൪ക്ക് അധികൃതരുടെ പിടിയിലായി ഡീപോ൪ട്ടേഷൻ വഴി പോകാം എന്ന ഒരേയൊരു പോംവഴി മാത്രമേ അവശേഷിക്കുന്നുള്ളൂ എന്നിരിക്കെ ത൪ഹീലിൽ എത്തിപ്പെടാൻ വഴിയന്വേഷിച്ചാണ് പലരും എത്തിയത്. നിയമവിരുദ്ധരായ ഇവരുടെ കാര്യത്തിൽ അധികൃത൪ കുഴങ്ങുന്നതും ഓപൺഫോറത്തിൽ കണ്ടു. നിയമവിരുദ്ധ തൊഴിലാളികളുടെ കാര്യത്തിൽ സൗദി അധികൃത൪ ക൪ശനമായ നിലപാടു സ്വീകരിക്കുമ്പോൾ അതിൽ ഒന്നും ചെയ്യാനാവില്ലെന്ന കോൺസുലേറ്റിൻെറ പരിമിതി ഉദ്യോഗസ്ഥ൪ ശ്രദ്ധയിൽ പെടുത്തിയെങ്കിലും ഏതു വിധമെങ്കിലും നാടണഞ്ഞാൽ മതിയെന്ന ആഗ്രഹവുമായെത്തിയ പലരും നിരാശയും അമ൪ഷവും പ്രകടിപ്പിച്ചാണ് തിരിച്ചുപോയത്.
കോൺസുലേറ്റിൽ രാവിലെ 11.30നു തുടങ്ങിയ ഫോറം 1.30 വരെ നീണ്ടു. കോൺസൽ ജനറൽ ഫൈസ് അഹ്മദ് കിദ്വായി നേതൃത്വം നൽകി. പാസ്പോ൪ട്ട് വിഭാഗം കോൺസൽ പ്രണവ് ഗണേശ്, തൊഴിൽ ക്ഷേമകാര്യവിഭാഗം കോൺസൽമാരായ എസ്.ആ൪.എച്ച് ഫഹ്മി, പി.കെ. ജയിൻ, കോൺസൽമാരായ രാജ്കുമാ൪ എന്നിവ൪ സി.ജിക്കൊപ്പം പരാതികൾക്ക് പരിഹാര നി൪ദേശങ്ങൾ നൽകി.
കഴിഞ്ഞ ഓപൺഫോറത്തിൽ വന്നു നൽകിയ പരാതിക്കു പരിഹാരമായില്ലെന്ന സങ്കടവുമായെത്തിയ വയനാടു സ്വദേശിക്കു ത൪ഹീലിലേക്കുള്ള വഴിയായിരുന്നു അറിയേണ്ടിയിരുന്നത്്. നിയമവിരുദ്ധ തൊഴിലാളികളെ പിടികൂടി ത൪ഹീലിൽ അടക്കുക സൗദി അധികൃതരുടെ ഉത്തരവാദിത്തമായതിനാൽ അതിൽ കോൺസുലേറ്റിനു ഒന്നും ചെയ്യാനാവില്ലെന്ന മറുപടി അദ്ദേഹത്തെ ക്ഷുഭിതനാക്കി. പാലക്കാട് കൊല്ലങ്കോട് സ്വദേശി വിജയകുമാ൪ വിസക്കച്ചവടക്കാരുടെ ക്രൂരതക്കിരയായ നൂറോളം പേരിലൊരാളാണ്. എട്ടു മണിക്കൂ൪ ജോലിയും ആയിരം റിയാൽ ശമ്പളവും പറഞ്ഞ് 2010ൽ വന്ന വിജയകുമാറും കൂട്ടുകാരും ജിദ്ദയിലെ കുട്ടികളുടെ ആശുപത്രിയിൽ കരാ൪ ജോലിയിൽ കയറിയപ്പോഴാണ് ശമ്പളം 500 റിയാലാണെന്നറിയുന്നത്. ഉടനെ തിരിച്ചുപോകാൻ വട്ടം കൂട്ടിയെങ്കിലും തൊഴിലുടമ വിട്ടില്ല. ഇഖാമയും ആ൪ക്കും നൽകിയില്ല. തിരിച്ചുപോകാൻ ഓരോരുത്തരും 5000 റിയാൽ നൽകണമെന്നായിരുന്നു ഉപാധി. ആറോ ഏഴോ പേ൪ നാട്ടിലുള്ളതെല്ലാം വിറ്റുപെറുക്കി പണം വരുത്തി മോചനം തേടി. ബാക്കിയുള്ളവ൪ ഓരോരുത്തരായി പല ഘട്ടങ്ങളിൽ ചാടിപ്പോയി. 2011ൽ വിജയനും ഒളിച്ചോടി. വിഷയത്തിൽ സ്പോൺസറെ വിളിച്ചുവരുത്തി പരിഹാരം കാണാമെന്ന ക്ഷേമകാര്യ വിഭാഗം കോൺസൽ പി.കെ. ജയിൻ ആശ്വസിപ്പിച്ചു. മലപ്പുറം ജില്ലയിലെ തിരൂരങ്ങാടി കുണ്ടൂ൪ സ്വദേശി തച്ചറക്കൽ അബ്ദുല്ലത്തീഫ് ഖാലിദിയ്യയിൽ കാവൽജോലിക്കാരനായിരുന്നു. വിവാഹത്തിൻെറ ആദ്യനാളുകളിലാണ് അഞ്ചര വ൪ഷം മുമ്പ് സൗദിയിലെത്തിയത്. രോഗബാധയും മറ്റു പ്രയാസവുമായി നാട്ടിൽ പോകാൻ സ്പോൺസ൪ സമ്മതിക്കാത്തതിനാൽ കോടതിയെ സമീപിച്ചു. കോടതി വിധി വന്നിട്ടും പക്ഷേ, പാസ്പോ൪ട്ട് അധികൃത൪ കനിയുന്നില്ല. ഈ വിഷയത്തിനു കോൺസുലേറ്റ് പരിഹാരം തേടുമെന്ന് കോൺസൽ വ്യക്തമാക്കി. ആലപ്പുഴ ചെന്നിത്തലയിലെ ഗ്രേസി വ൪ഗീസിന് നഴ്സായി നേരത്തേ ജോലി ചെയ്തിരുന്ന ക്ളിനിക്കിൽ നിന്നു മറ്റൊരു ക്ളിനിക്കിലേക്കു മാറിയതായിരുന്നു. പുതിയ സ്ഥലത്ത് ജോലി ചെയ്തു വന്നെങ്കിലും സ്പോൺസ൪ അവ൪ക്ക് ഇഖാമ മാറ്റിക്കൊടുത്തില്ല. കാലതാമസത്തിനിടെ പഴയ സ്പോൺസ൪ അവരെ ഹുറൂബിലാക്കുകയും ചെയ്തു. ഹുറൂബിൽ നിന്നൊഴിവായി നാട്ടിലേക്ക് റീ എൻട്രി ലഭിക്കാനുള്ള വഴി ആരാഞ്ഞാണ് അവ൪ ഓപൺഫോറത്തിനെത്തിയത്. മൂന്നു മാസത്തിനകം പുതിയ വിസയിലേക്ക് ട്രാൻസ്ഫ൪ ആയില്ലെങ്കിൽ മുൻസ്പോൺസ൪ ഹുറൂബാക്കുമെന്നും ഇക്കാര്യത്തിൽ ലേബ൪ കോടതി മുഖേനയുള്ള പരിഹാരമേ നടക്കൂ എന്നും കോൺസൽ പി.കെ. ജയിൻ പറഞ്ഞു. കോടതിക്കു പുറത്തുള്ള തീ൪പ്പിനു കഴിഞ്ഞില്ലെങ്കിൽ കേസുമായി മുന്നോട്ടുപോകണമെന്നും അതിനു ഏതാനും മാസങ്ങളുടെ സമയമെടുക്കുമെന്നും അദ്ദേഹം ചൂണ്ടിക്കാട്ടി. നിയമത്തിൻെറ വഴി തേടാൻ കോൺസുലേറ്റ് സഹായിക്കാമെന്ന വാഗ്ദാനവുമായാണ് ഗ്രേസി വ൪ഗീസ് മടങ്ങിയത്.
വിവിധ കേസുകളിൽ കാലാവധി കഴിഞ്ഞും നിസാരകേസുകളിൽ പെട്ടും അനിശ്ചിതമായി തടവിൽ കഴിയുന്ന ഏതാനും ദയനീയമായ കേസുകളും ഫോറത്തിൻെറ പരിഗണനക്കു വന്നു. സ്കൂൾവാനിൽ നിന്നു രണ്ടു കുട്ടികൾ പിടിവലി കൂടി അബദ്ധത്തിൽ ഒരു കുട്ടി മരിക്കാനിടയായ കേസിൽ ജയിലിൽ കഴിയുന്ന കാസ൪കോട് സ്വദേശി അബ്ദുറഹ്മാൻ, ക൪ണാടകക്കാരൻ മുഹമ്മദ് ഹസൻ അബ്ദുറഹ്മാൻ, കൽവന്ദ൪ സിങ്, അബ്ദുൽജലീൽ, ബാലപീഡനവുമായി ബന്ധപ്പെട്ട് തടവിലുള്ള അബ്്ദുന്നാസ൪ എന്നിവരുടെ പ്രശ്നങ്ങളും സാമൂഹികപ്രവ൪ത്തക൪ കോൺസൽ മുമ്പാകെ കൊണ്ടുവന്നു.
അറുപതോളം പേരാണ് വ്യാഴാഴ്ചത്തെ ഓപൺഫോറത്തിനെത്തിയത്. ഇതിൽ കൂടുതലും ഹുറൂബുകാരായിരുന്നുവെന്നും മതിയായ രേഖകളോ സ്പോൺസറുടെ പിന്തുണയോ ഇല്ലാത്ത ഇവരുടെ കാര്യം സൗദി കേന്ദ്രങ്ങളുമായി ബന്ധപ്പെട്ട് പരിഹാരം കാണുക എളുപ്പമല്ലെന്നും പരാതികൾ കേട്ട ശേഷം കോൺസൽമാ൪ ‘ഗൾഫ് മാധ്യമ’ത്തോടു പറഞ്ഞു. രോഗവും മറ്റു അവശതകളും പറഞ്ഞു വരുന്നവരെ കോൺസുലേറ്റിൽ നിന്നു എഴുത്തുമായി ത൪ഹീലിലേക്ക് അയക്കും. അതുമായി ചെല്ലുമ്പോൾ സ്പോൺസറുടെ വിശദാംശങ്ങളും സഹകരണവും ആവശ്യപ്പെട്ടുകൊണ്ടുള്ള രേഖ ഹാജരാക്കാൻ അവ൪ ആവശ്യപ്പെടും. അതു നൽകിയാൽ പിന്നെയും മുടക്കവാദങ്ങൾ ഉന്നയിക്കുന്ന പതിവുണ്ടെന്നും ഇതു പലപ്പോഴും പ്രശ്നപരിഹാരത്തിനു പ്രയാസമുണ്ടാക്കുന്നുവെന്നും വൈസ് കോൺസൽ രാജ്കുമാ൪ ചൂണ്ടിക്കാട്ടി.