കേരളത്തേക്കാള്‍ മറ്റുള്ളവര്‍ മെച്ചപ്പെട്ടു -കേന്ദ്ര മന്ത്രി

ന്യൂദൽഹി: പഞ്ചായത്തീ രാജിൻെറ ശാക്തീകരണത്തിൽ കേരളത്തേക്കാൾ മറ്റു സംസ്ഥാനങ്ങൾ മെച്ചപ്പെട്ടതുകൊണ്ടാണ് വ൪ഷങ്ങളായി ഒന്നാം സ്ഥാനത്തുള്ള കേരളം ഈ വ൪ഷം പിന്നാക്കം പോയതെന്ന് കേന്ദ്ര പഞ്ചായത്തീ രാജ് മന്ത്രി വി. കിഷോ൪ചന്ദ്ര ദേവ് വാ൪ത്താസമ്മേളനത്തിൽ പറഞ്ഞു. മഹാരാഷ്ട്രയും ക൪ണാടകയും മെച്ചപ്പെട്ട പ്രവ൪ത്തനങ്ങൾ കാഴ്ചവെച്ച് കേരളത്തെ മറികടക്കുകയാണെന്ന് അദ്ദേഹം പറഞ്ഞു.

പഞ്ചായത്തീരാജ് ശാക്തീകരണ സൂചികയിൽ മൂന്നാം സ്ഥാനത്തെത്തിയതിനുള്ള അവാ൪ഡ് സംസ്ഥാന പഞ്ചായത്തീരാജ് മന്ത്രി എം.കെ മുനീ൪ രാവിലെ പ്രധാനമന്ത്രി ഡോ. മൻമോഹൻ സിങ്ങിൽനിന്ന് ഏറ്റുവാങ്ങി. മികച്ച ഗ്രാമസഭകൾ നടത്തിയതിനുള്ള ദേശീയ തലത്തിലെ അംഗീകാരമായ ‘രാഷ്ട്രീയ ഗൗരവ് ഗ്രാംസഭാ’ അവാ൪ഡ് മലപ്പുറം ജില്ലയിലെ പുലാമന്തോൾ പഞ്ചായത്തിന് ലഭിച്ചു. മികച്ച ശാക്തീകരണ പ്രവ൪ത്തനങ്ങൾക്കുള്ള അവാ൪ഡുകൾ പത്തനംതിട്ട മികച്ച ജില്ലാ പഞ്ചായത്ത്, തൃശൂ൪ ജില്ലയിലെ അടാട്ട് ഗ്രാമപഞ്ചായത്ത്, ചേ൪പ്പ് ബ്ളോക് പഞ്ചായത്ത്, എറണാകുളം ജില്ലയിലെ ചോറ്റാനിക്കര ഗ്രാമപഞ്ചായത്ത്, കോട്ടയം ജില്ലയിലെ ളാലം ബ്ളോക് പഞ്ചായത്ത്, ഇടുക്കി ബ്ളോക് പഞ്ചായത്ത് എന്നിവ നേടി.