ആശയവൈവിധ്യങ്ങളുടെ സംഗമവേദിയായി സാംസ്കാരിക സമ്മേളനം

ദോഹ: ഫ്രണ്ട്സ് കൾച്ചറൽ സെൻറ൪ ദോഹ അന്താരാഷ്ട്ര മതസംവാദകേന്ദ്ര (ഡി.ഐ.സി.ഐ.ഡി) വുമായി സഹകരിച്ച് സംഘടിപ്പിച്ച ‘സൗഹൃദകേരളം’ സാംസ്കാരിക സമ്മേളനം വ്യത്യസ്ത ആശയധാരകളുടെ സംഗമവേദിയും പ്രവാസി മലയാളിയുടെ മാനവ സൗഹൗ൪ദത്തിൻെറ നേ൪ക്കാഴ്ചയുമായി. മുൻതസ അബൂബക്ക൪ സിദ്ദീഖ് ഇൻഡിപെൻഡൻറ് സ്കൂളിൽ നടന്ന പരിപാടി ഖത്ത൪ ചാരിറ്റി ഇൻറ൪നാഷനൽ ഡെവലപ്മെൻറ് വകുപ്പ് ഡയറക്ട൪ മുഹമ്മദ് അൽ ഗാമിദി ഉദ്ഘാടനം ചെയ്തു.
വിവിധ ജനവിഭാഗങ്ങൾ തമ്മിലുളള ആശയ സംവാദം സമൂഹത്തിൻെറ വള൪ച്ചക്ക് അനിവാര്യമാണെന്ന് ഗാമിദി അഭിപ്രായപ്പെട്ടു. ഇത്തരം സംവാദങ്ങൾ പരസ്പര ബഹുമാനത്തോടും ആദരവോടുമായിരിക്കണം. ആശയ സംവാദങ്ങൾ ച൪ച്ചകളിലും പ്രബന്ധങ്ങളിലും മാത്രം ഒതുങ്ങരുതെന്നും സഹവാസത്തിലും സഹകരണത്തിലും അതിൻെറ ഗുണഫലങ്ങൾ പ്രകടമാകണമെന്നും ഗാമിദി പറഞ്ഞു. ഡി.ഐ.സി.ഐ.ഡി ചെയ൪മാൻ ഡോ. ഇബ്രാഹിം സ്വാലിഹ് അന്നുഐമി അധ്യക്ഷത വഹിച്ചു. മതസംവാദങ്ങളെ പ്രോത്സാഹിപ്പിക്കാൻ ഖത്ത൪ നടത്തുന്ന ശ്രമങ്ങൾ ഏറെ വലുതാണെന്നും കഴിഞ്ഞ ദിവസം സമാപിച്ച മത സംവാദ സമ്മേളനം ഇതിന് ഉദാഹരണമാണെന്നും അദ്ദേഹം ചൂണ്ടിക്കാട്ടി. മഹാകവി ഇഖ്ബാലിൻെറയും ടാഗോറിൻെറയും നാടാണ് ഇന്ത്യയെന്നും ഇന്ത്യയെക്കുറിച്ച് പഠനകാലത്ത് തന്നെ ഏറെ കേട്ടിട്ടുണ്ടെന്നും ആശംസ അ൪പ്പിച്ച ഖത്ത൪ ചാരിറ്റി ടെക്നിക്കൽ സപ്പോ൪ട്ട് മേധാവി ഡോ. ഇസ്സാം ഹിൽമി തുലൈമ പറഞ്ഞു. സൗഹൃദവും സഹോദര്യവും പ്രചരിപ്പിക്കാനുള്ളള ഏത് ശ്രമവും പിന്തുണ അ൪ഹിക്കുന്നതും പ്രോത്സാഹിപ്പിക്കപ്പെടേണ്ടതുമാണെന്ന് പ്രമുഖ വ്യവസായിയും ഓവ൪സീസ് ഇന്ത്യൻ കൾച്ചറൽ കോൺഗ്രസ് ഗ്ളോബൽ പ്രസിഡൻറുമായ പത്മശ്രീ അഡ്വ. സി.കെ മേനോൻ പറഞ്ഞു. ഫരീദ് സിദ്ധീഖി (ഖത്ത൪ ചാരിറ്റി), ഖാലിദ് അഹമ്മദ് ഫഖ്റു (ഖത്ത൪ ചാരിറ്റി), എഫ്.സി.സി എക്സിക്യുട്ടീവ് ഡയറക്ട൪ ഹബീബുറഹ്മാൻ കിഴിശ്ശേരി എന്നിവരും ആശംസ അ൪പ്പിച്ചു. ഫിനാൻസ് കമ്മിറ്റി ചെയ൪മാൻ ശംസുദ്ദീൻ ഒളകര, വ്യവസായ പ്രമുഖൻ കെ. മുഹമ്മദ് ഈസ, ടി.കെ ഇബ്രാഹിം ടൊറൻേറാ എന്നിവരും സംബന്ധിച്ചു.
തുട൪ന്ന് നടന്ന സെമിനാറിൽ ഫാ. ഡോ: മന്നക്കരകാവിൽ ഗീവ൪ഗീസ് മാത്യു (തിരുവനന്തപുരം മലങ്കര കാത്തലിക് ച൪ച്ച്), സ്വാമി ഗുരുരത്നം ജഞാനതപസ്വി ( ഓ൪ഗനൈസിങ് സെക്രട്ടറി, ശാന്തിഗിരി ആശ്രമം), തിരുവനന്തപുരം പാളയംഇമാം മൗലവി ജമാലുദ്ദീൻ മങ്കട എന്നിവ൪ വിവിധ വിഷയങ്ങളിൽ പ്രഭാഷണം നടത്തി. മീഡിയ വൺ ടി.വി എം.ഡി അബ്ദുസ്സലാം അഹമദ് മോഡറേറ്ററായിരുന്നു. സംഘാടക സമിതി ചെയ൪മാൻ ആവണി വിജയകുമാ൪ സ്വാഗതവും ജനറൽ കൺവീന൪ ഹുസൈൻ കടന്നമണ്ണ നന്ദിയും പറഞ്ഞു. അബ്ദുല്ല മൻസൂ൪ ഖു൪ആൻ പാരായണം നടത്തി. ഷബിൻ അലിയും സംഘവും കവിത അവതരിപ്പിച്ചു. നിസ്താ൪ ഗുരുവായൂ൪ ആൻറ് പാ൪ട്ടി ഗാനങ്ങൾ ആലപിച്ചു. സ്ത്രീകളടക്കം പ്രവാസജീവിതത്തിൻെറ വിവിധ തുറകളിലുള്ള നൂറുക്കണക്കിനാളുകൾ സമ്മേളനത്തിൽ പങ്കെടുത്തു.