പേര്യയില്‍ സംഘര്‍ഷം; ഒരാള്‍ക്ക് പരിക്ക്

മാനന്തവാടി: ‘മുത്തപ്പൻ വെള്ളാട്ട്’ കെട്ടിയാടുന്ന ആളെ കാണാൻ വന്നവരും ചില പ്രദേശവാസികളും തമ്മിലുണ്ടായ വാക്കേറ്റം സംഘ൪ഷത്തിൽ കലാശിച്ചു. സംഭവം സംഘ൪ഷത്തിലേക്കും വിഭാഗീയതയിലേക്കും നീങ്ങിയ സാഹചര്യത്തിൽ പൊലീസ് നടപടി ശക്തമാക്കി. അനിഷ്ട സംഭവങ്ങളിൽ പ്രതിഷേധിച്ച് ഹൈന്ദവ സംഘടനകളുടെ നേതൃത്വത്തിൽ ശനിയാഴ്ച ഉച്ചവരെ പേര്യ അങ്ങാടിയിൽ ഹ൪ത്താൽ ആചരിച്ചു.

പേര്യ 36ൽ വെള്ളിയാഴ്ച രാത്രി വാഹനം പാ൪ക്ക് ചെയ്യുന്നത് സംബന്ധിച്ച ത൪ക്കമാണ് സംഘ൪ഷത്തിലേക്ക് നീങ്ങിയത്. രാത്രി പത്തുമണിക്കായിരുന്നു സംഭവം. പരസ്പരമുള്ള വാക്കേറ്റവും അടിപിടിയും പൊലീസ് എത്തിയാണ് ശാന്തമാക്കിയത്. കോളയാട് ചേരിക്കൽ മാറോളി ശശിക്ക് (50) സംഘ൪ഷത്തിൽ പരിക്കേറ്റു. അന്യായമായി സംഘം ചേ൪ന്നതിന് തയ്യിൽ മുഹമ്മദ് (48), പുതിയോട്ടിൽ അബ്ബാസ് (43) എന്നിവരെ പൊലീസ് അറസ്റ്റ് ചെയ്തു. ഇവരെ പിന്നീട് കോടതി റിമാൻഡ് ചെയ്തു.

തലപ്പുഴ പൊലീസ് സ്റ്റേഷൻ പരിധിയിലാണ് സംഭവം. അതിനിടെ, മാനന്തവാടി സി.ഐ. പി.എൽ. ഷൈജുവിൻെറ നേതൃത്വത്തിൽ സ൪വകക്ഷി സമാധാന യോഗം സംഘടിപ്പിച്ചു. വ്യാജ പ്രചാരണങ്ങൾ തള്ളിക്കളയാനും സമാധാനം പാലിക്കാനും യോഗം തീരുമാനിച്ചു. എം.ജി. ബിജു, എക്കണ്ടി മൊയ്തുട്ടി, ബാബു സജിൽ കുമാ൪, ബെന്നി ആൻറണി, സി.കെ. ഉദയൻ, പുനത്തിൽ കൃഷ്ണൻ, പ്രകാശൻ, റഫീഖ് കൈപ്പാണി എന്നിവ൪ ച൪ച്ചയിൽ സംബന്ധിച്ചു.മത സ്പ൪ധ വള൪ത്തുന്ന നീക്കങ്ങൾക്കെതിരെ ജാഗ്രത പാലിക്കാൻ യോഗം ആഹ്വാനം ചെയ്തു.

അതേസമയം, പേര്യ സംഭവത്തിൽ പ്രതിഷേധവുമായി ഹിന്ദു ഐക്യവേദി ജില്ലാ കമ്മിറ്റി രംഗത്തുവന്നു. വിശ്വാസികളെ കൈയേറ്റം ചെയ്ത സംഭവത്തിൽ ജില്ലാ പ്രസിഡൻറ് സി.പി. വിജയൻ, സെക്രട്ടറി എ.എം. ഉദയകുമാ൪, സംഘടനാ സെക്രട്ടറി വി.കെ. മുരളീധരൻ എന്നിവ൪ പ്രതിഷേധിച്ചു.