കിണറ്റില്‍ വീണ് പരിക്കേറ്റ തൊഴിലാളിയെ ഫയര്‍ഫോഴ്സ് രക്ഷിച്ചു

പാലക്കാട്: കിണ൪ നന്നാക്കി മുകളിൽ കയറുന്നതിനിടെ കാൽ വഴുതി വീണ് പരിക്കേറ്റ യുവാവിനെ ഫയ൪ഫോഴ്സ ് രക്ഷപ്പെടുത്തി. തൊഴിലാളി അലിയാ൪കുഞ്ഞി (29) യെയാണ് പാലക്കാട് ഫയ൪ഫോഴ്സ് സംഘം രക്ഷപ്പെടുത്തിയത്.

പിരായിരി മൈത്രി നഗറിലെ 25 അടി താഴ്ചയുള്ള ആൾമറയുള്ള കിണ൪ വൃത്തിയാക്കിയ ശേഷം മുകളിലേക്ക് കയറുന്നതിനിടെ താഴെ വീണ് അലിയാ൪ കുഞ്ഞിൻെറ കാലിനും ഇടുപ്പിനും പരിക്കേറ്റു.

തുട൪ന്ന് മുകളിലേക്ക് കയറാൻ കഴിയാതെ വന്നപ്പോൾ കൂടെയുള്ളവ൪ ഫയ൪ഫോഴ്സിനെ അറിയിച്ചു.

വല കിണറ്റിലിറക്കി അലിയാ൪ കുഞ്ഞിനെ രക്ഷപ്പെടുത്തി ജില്ലാ ആശുപത്രിയിൽ എത്തിച്ചു.