പരിയാരം, കൊച്ചി മെഡിക്കല്‍ കോളേജുകള്‍ ഏറ്റെടുക്കില്ലെന്ന് മുഖ്യമന്ത്രി

കോട്ടയം: പരിയാരം,കൊച്ചി സഹകരണ മെഡിക്കൽ കോളജുകൾ ഏറ്റെടുക്കാൻ സ൪ക്കാ൪ തീരുമാനിച്ചിട്ടില്ലെന്ന് മുഖ്യമന്ത്രി ഉമ്മൻചാണ്ടി. കോട്ടയം ടി.ബിയിൽ സി.എം.പി നേതാക്കളുമായി നടത്തിയ ച൪ച്ചക്കുശേഷം മാധ്യമപ്രവ൪ത്തകരോട് സംസാരിക്കുകയായിരുന്നു. പരിയാരം,കൊച്ചി മെഡിക്കൽ കോളജുകൾ ഏറ്റെടുക്കുന്നതുമായി ബന്ധപ്പെട്ട് എറണാകുളം,കണ്ണൂ൪ ജില്ലാ കലക്ട൪മാ൪ നൽകുന്ന ആസ്തി ബാധ്യതാ റിപ്പോ൪ട്ടും യു.ഡി.എഫ് ഉപസമിതി റിപ്പോ൪ട്ടും പരിശോധിച്ചശേഷം സി.എം.പി ഉന്നയിച്ച കാര്യത്തിൽ തീരുമാനമെടുക്കും.
മെഡിക്കൽ കോളജുകളിലെ ആവശ്യമായ വിവരങ്ങൾ ശേഖരിക്കാനാണ് മന്ത്രിസഭായോഗം തീരുമാനിച്ചത്. സി.എം.പി ഉന്നയിച്ച പ്രധാന പ്രശ്നം പരിയാരം മെഡിക്കൽ കോളജിനെക്കുറിച്ചാണ്. എം.വി. രാഘവൻെറ അധ്വാനഫലം കൂടിയാണത്. ബോ൪ഡ്കോ൪പറേഷൻ വിഭജനത്തിൽ സി.എം.പിക്ക് തൃപ്തികരമായ നിലപാട് സ്വീകരിക്കുമെന്നും മുഖ്യമന്ത്രി വ്യക്തമാക്കി.
ജെ.എസ്.എസിൻെറ വിഷയങ്ങൾ ച൪ച്ചചെയ്യാൻ യു.ഡി.എഫ് തയാറാണെന്ന് കെ.പി.സി.സി പ്രസിഡൻറ് രമേശ്ചെന്നിത്തല പറഞ്ഞു. ഗൗരിയമ്മയുമായി താൻ ച൪ച്ച നടത്തിയിരുന്നു. ജെ.എസ്.എസ് ഒരിക്കലും യു.ഡി.എഫ് വിട്ടുപോകുമെന്ന് ആലോചിക്കാൻപോലും കഴിയില്ല. സി.എം.പി ഉന്നയിച്ച കാര്യങ്ങൾ കഴമ്പുള്ളതാണെന്ന് ബോധ്യമായി. കഴിഞ്ഞ 27 വ൪ഷമായി യു.ഡി.എഫിനൊപ്പം നിൽക്കുന്ന സി.എം.പിയുമായി ഉണ്ടായ ചെറിയപ്രശ്നങ്ങളുടെ പേരിലായിരുന്നു ഇപ്പോഴത്തെ ച൪ച്ച. സംതൃപ്തിയോടെ കാര്യങ്ങൾ ച൪ച്ചചെയ്യാൻ കഴിഞ്ഞുവെന്നും അദ്ദേഹം കൂട്ടിച്ചേ൪ത്തു. മുഖ്യമന്ത്രി പറഞ്ഞതിൽ കൂടുതലൊന്നും പറയാനില്ലെന്നായിരുന്നു യു.ഡി.എഫ് കൺവീന൪ പി.പി. തങ്കച്ചൻെറ പ്രതികരണം. സി.എം.പിക്കുണ്ടായ പ്രശ്നങ്ങൾ യു.ഡി.എഫിൽ അവതരിപ്പിക്കാതെ പുറത്തുപറഞ്ഞ് ഏറെ ബുദ്ധിമുട്ടുണ്ടാക്കിയിരുന്നുവെന്ന് സി.എം.പി സംസ്ഥാന സെക്രട്ടറി കെ.ആ൪. അരവിന്ദാക്ഷമേനോൻ പറഞ്ഞു. ബോ൪ഡ്കോ൪പറേഷൻ വിഭജനം സംബന്ധിച്ച് ഒരുമാസത്തിനകം പരിഹാരം കാണാമെന്ന് ഉറപ്പുലഭിച്ചിട്ടുണ്ട്. ച൪ച്ചയിൽ ഇപ്പോൾ സംതൃപ്തരാണെന്നും അദ്ദേഹം പറഞ്ഞു.