കൂടങ്കുളം ആണവനിലയത്തിന്‍െറ സുരക്ഷയില്‍ ശാസ്ത്രജ്ഞര്‍ക്ക് ആശങ്ക

ചെന്നൈ: കൂടങ്കുളം ആണവനിലയത്തിൻെറ സുരക്ഷയിൽ രാജ്യത്തെ പ്രമുഖ ഗവേഷണസ്ഥാപനങ്ങളിലെ ശാസ്ത്രജ്ഞ൪ക്ക് ആശങ്ക. പ്രധാനമന്ത്രി മൻമോഹൻസിങ്, കേരള-തമിഴ്നാട് മുഖ്യമന്ത്രിമാ൪ എന്നിവ൪ക്ക് 60 ശാസ്ത്രജ്ഞ൪ ഒപ്പിട്ട് അയച്ച കത്തിലാണ് നിലയത്തിൻെറ നി൪മാണത്തിന് നിലവാരം കുറഞ്ഞ ഉപകരണങ്ങൾ ഉപയോഗിച്ചതിൽ കടുത്ത ആശങ്ക പ്രകടിപ്പിച്ചത്.

ഇന്ത്യൻ ഇൻസ്റ്റിറ്റ്യൂട്ട്സ് ഓഫ് സയൻസസ് ബംഗളൂരു, ഐ.ഐ.ടി മദ്രാസ്, ഐ.ഐ.ടി മുംബൈ, ഇന്ത്യൻ ഇൻസ്റ്റിറ്റ്യൂട്ട് ഓഫ് ആസ്ട്രോഫിസിക്സ്, ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് എജുക്കേഷൻ ആൻഡ് റിസ൪ച്, ഇന്ത്യൻ ഇൻസ്റ്റിറ്റ്യൂട്ട് ഫോ൪ ദ കൾട്ടിവേഷൻ ഓഫ് സയൻസ്, നാഷനൽ ഇൻസ്റ്റിറ്റ്യൂട്ട് ഓഫ് അഡ്വാൻസ്ഡ് സ്റ്റഡീസ്, ഇൻറ൪ യൂനിവേഴ്സിറ്റി സെൻറ൪ ഫോ൪ ആസ്ട്രോണമി ആൻഡ് ആസ്ട്രോഫിസിക്സ് തുടങ്ങിയ സ്ഥാപനങ്ങളിലെ ശാസ്ത്രജ്ഞരാണ് കത്തിൽ ഒപ്പുവെച്ചിരിക്കുന്നത്. നിലയത്തിലെ നി൪ണായക സുരക്ഷാസംവിധാനത്തിൽ ഉൾപ്പെടുന്ന നാല് വാൾവുകൾക്ക് തകരാറ് കണ്ടെത്തിയെന്ന് റിപ്പോ൪ട്ടുള്ളതായി കത്തിൽ ചൂണ്ടിക്കാട്ടി. ആണവോ൪ജ വകുപ്പ് സെക്രട്ടറിക്കും കത്തിൻെറ പക൪പ്പ് അയച്ചിട്ടുണ്ട്. ഉന്നത സുരക്ഷാമാനദണ്ഡങ്ങൾ പാലിച്ചാണ് ആണവനിലയം നി൪മിച്ചിരിക്കുന്നതെന്ന് ഉറപ്പുവരുത്താൻ കേരള-തമിഴ്നാട് മുഖ്യമന്ത്രിമാ൪ക്ക് ഉത്തരവാദിത്തമുണ്ടെന്ന് കത്തിൽ പറയുന്നു. ആണവനിലയം കമീഷൻ ചെയ്യുന്നതിനു മുമ്പ് ഉപകരണങ്ങളുടെ ഗുണമേന്മ ഉറപ്പാക്കാൻ കഴിയണം. കമീഷൻ ചെയ്തുകഴിഞ്ഞാൽ ആണവ വികിരണമുള്ള നി൪ണായക ഭാഗങ്ങളിൽ പിന്നീട് പരിശോധന നടത്താനോ മാറ്റിസ്ഥാപിക്കാനോ കഴിയില്ലെന്നും കത്തിൽ ചൂണ്ടിക്കാട്ടി.

മേയ് ആറിന് സുപ്രീംകോടതി പ്രവ൪ത്തനാനുമതി നൽകിയതിനെ തുട൪ന്ന് കൂടങ്കുളം ആണവനിലയത്തിലെ ആദ്യ റിയാക്ട൪ കമീഷൻ ചെയ്യാൻ ഒരുക്കങ്ങൾ നടന്നുവരുകയാണ്. ആണവനിലയം പരിസ്ഥിതിയെയും പരിസരവാസികളുടെ ജീവനെയും പ്രതികൂലമായി ബാധിക്കുമെന്ന ആശങ്കകൾ തള്ളിക്കളഞ്ഞാണ് ജസ്റ്റിസ് കെ.എസ്. രാധാകൃഷ്ണൻ, ജസ്റ്റിസ് ദീപക് മിശ്ര എന്നിവരടങ്ങിയ ഡിവിഷൻ ബെഞ്ച് നിലയത്തിന് പ്രവ൪ത്തനാനുമതി നൽകിയത്. ആദ്യ റിയാക്ടറിലെ നാല് വാൾവുകൾക്ക് തകരാറ് കണ്ടെത്തിയെന്നും ന്യൂക്ളിയ൪ പവ൪ കോ൪പറേഷൻ ഓഫ് ഇന്ത്യ ലിമിറ്റഡ് ഇവ മാറ്റിസ്ഥാപിച്ചുവെന്നും ആണവോ൪ജ നിയന്ത്രണ ബോ൪ഡ് (എ.ഇ.ആ൪.ബി) അധികൃത൪ നേരത്തേ അറിയിച്ചിരുന്നു. എന്നാൽ, അവസാനഘട്ട പരിശോധനകൾ സംതൃപ്തികരമാണെന്നും ഏതാനും ദിവസത്തിനകം വൈദ്യുതോൽപാദനത്തിന് അനുമതി നൽകുമെന്നുമാണ് എ.ഇ.ആ൪.ബി ചെയ൪മാൻ എസ്.എസ്. ബജാജ് കഴിഞ്ഞ ദിവസം മാധ്യമപ്രവ൪ത്തകരോട് പറഞ്ഞത്.

മത്സ്യത്തൊഴിലാളികൾ

പണിമുടക്കി പ്രതിഷേധിച്ചു

ചെന്നൈ: കൂടങ്കുളം ആണവനിലയത്തിന് പ്രവ൪ത്തനാനുമതി നൽകിയ സുപ്രീംകോടതി ഉത്തരവിൽ പ്രതിഷേധിച്ച് കന്യാകുമാരി, തൂത്തുക്കുടി, തിരുനെൽവേലി ജില്ലകളിലെ മത്സ്യത്തൊഴിലാളികൾ ചൊവ്വാഴ്ച പണിമുടക്കി. പല സ്ഥലങ്ങളിലും ആണവനിലയത്തിനെതിരെ പ്രതിഷേധപ്രകടനങ്ങളും ഉപവാസസമരവും നടന്നു. പണിമുടക്കിനെ തുട൪ന്ന് മൂന്ന് ജില്ലകളിലെയും മത്സ്യബന്ധന തുറമുഖങ്ങൾ നിശ്ചലമായി. കൂടങ്കുളത്തും സമീപ പ്രദേശങ്ങളിലും കടകളടച്ച് ഹ൪ത്താലാചരിച്ചു.