പഞ്ചായത്ത് വൈസ്പ്രസിഡന്‍റിന്‍െറ വീട്ടിലേക്ക് റോഡ് ടാര്‍ ചെയ്തത് നാട്ടുകാര്‍ തടഞ്ഞു

കോന്നി: ടാറിങ്ങിനിടെ പഞ്ചായത്ത് വൈസ് പ്രസിഡൻറ് സ്വന്തം വീട്ടുമുറ്റത്തേക്കുള്ള റോഡും ടാ൪ ചെയ്തത് നാട്ടുകാ൪ തടഞ്ഞു. കോന്നി പഞ്ചായത്ത് വൈസ് പ്രസിഡൻറ് ലീലാമ്മ പാപ്പച്ചൻെറ വീട്ടുമുറ്റത്തേക്ക് നടത്തിയ ടാറിങ്ങാണ് ഉപ്പക്കര നിവാസികൾ തടഞ്ഞത്. ഉപ്പക്കര -മുരുപ്പേൽപ്പടി -പത്തലുകുത്തി റോഡിൽ കഴിഞ്ഞ ദിവസം ടാറിങ് ആരംഭിച്ചിരുന്നു. റോഡിലെ കുറച്ചുഭാഗം ടാ൪ ചെയ്തശേഷം വാ൪ഡംഗം കൂടിയായ വൈസ് പ്രസിഡൻറിൻെറ വീട്ടുമുറ്റത്തേക്ക് ടാ൪ ചെയ്തത് നാട്ടുകാ൪ തടയുകയായിരുന്നു. മഴവെള്ളത്തിൽ കുത്തിയൊലിച്ചെത്തുന്ന റോഡിനോട് ചേ൪ന്നഭാഗത്ത് അൽപ്പം ടാ൪ ചെയ്യാൻ നാട്ടുകാ൪ പറഞ്ഞത് വകവെക്കാതെയാണ് വൈസ്പ്രസിഡൻറ് സ്വന്തം മുറ്റത്തേക്ക് ടാ൪ ചെയ്തത്. നാട്ടുകാ൪ എതി൪ത്തപ്പോൾ വൈസ് പ്രസിഡൻറും ഭ൪ത്താവും ചില സാമൂഹികവിരുദ്ധരും നാട്ടുകാരെ വെട്ടുകത്തിയുമായി ഭീഷണിപ്പെടുത്തിയെന്ന് പറയുന്നു. പ്രദേശത്തെ ഡി.വൈ.എഫ്.ഐ പ്രവ൪ത്തക൪ കൂടി സംഘടിച്ചതോടെ ടാറിങ് ചെയ്ത ഭാഗം രാത്രി തന്നെ നാട്ടുകാ൪ ഇളക്കി മാറ്റി.