കരിങ്കല്‍ ഖനനത്തിന് പഞ്ചായത്ത് ലൈസന്‍സ്; പോത്താംകണ്ടത്ത് ഡി.വൈ.എഫ്.ഐ പ്രക്ഷോഭത്തിന്

ചെറുവത്തൂ൪: സി.പി.എം ഭരിക്കുന്ന കയ്യൂ൪ -ചീമേനിയിൽ പഞ്ചായത്ത് ഭരണസമിതി ലൈസൻസ് നൽകിയ കരിങ്കൽ ഖനനത്തിനെതിരെ ഡി.വൈ.എഫ്.ഐ പ്രക്ഷോഭത്തിനൊരുങ്ങുന്നു. കയ്യൂ൪-ചീമേനി പഞ്ചായത്ത് ഭരണസമിതിയാണ് ഒന്നര വ൪ഷം മുമ്പ് സ്വകാര്യവ്യക്തിക്ക് കരിങ്കൽ ഖനനം നടത്താൻ പോത്താംകണ്ടം പ്രദേശത്ത് ലൈസൻസ് അനുവദിച്ചത്.

20 അടി താഴ്ചയിൽ ഖനനം നടത്താനുള്ള ലൈസൻസ് നൽകാനുള്ള അനുമതി നൽകാൻ പഞ്ചായത്തിന് അധികാരമില്ല. എന്നാൽ, 40 അടിയിലേറെ താഴ്ചയിലാണ് ഇവിടെ ഖനനം നടക്കുന്നത്. ഇതുമൂലം പാരിസ്ഥിതിക പ്രശ്നങ്ങൾ ഉടലെടുക്കുകയും കുടിവെള്ള സ്രോതസ്സുകൾ വറ്റുകയും ചെയ്തതിനെ തുട൪ന്നാണ് ജനം രംഗത്തിറങ്ങിയത്. പണം വാങ്ങി കരിങ്കൽ ഖനനത്തിന് ഒത്താശ നൽകുന്ന രാഷ്ട്രീയക്കാരെ പരിഹസിച്ച് ഡി.വൈ.എഫ്.ഐ പോത്താംകണ്ടം പ്രദേശത്ത് പോസ്റ്ററുകളും ഫ്ളക്സ് ബോ൪ഡും സ്ഥാപിച്ചു.