ഗോത്രങ്ങള്‍ കുവൈത്തിന്‍െറ പ്രധാന ഘടകം -അമീര്‍

കുവൈത്ത് സിറ്റി: ഗോത്രങ്ങളില്ലാതെ കുവൈത്തില്ലെന്ന് അമീ൪ ശൈഖ് സ്വബാഹ് അൽ അഹ്മദ് അസ്വബാഹ്. രാജ്യത്തെ വിവിധ ഗോത്ര പ്രമുഖ൪ക്ക് ശൈഖ് ഫൈസൽ ബന്ദ൪ അദുവൈശിൻെറ സബാഹ് അൽനാസറിലെ ദീവാനിയയിൽ നൽകിയ സ്വീകരണത്തിൽ സംസാരിക്കുകയായിരുന്നു അമീ൪. മുതൈരി, റഷീദി, അൻസി, ആസിമി തുടങ്ങിയ പ്രമുഖ ഗോത്രങ്ങളിലെ പ്രമുഖ൪ പങ്കെടുത്തു.
എല്ലാഗോത്രങ്ങളും കൂടിച്ചേരുമ്പോഴാണ് കുവൈത്തായിത്തീരുന്നതെന്നും നമ്മുടെ പൂ൪വിക൪ രാജ്യത്തിൻെറ പ്രശ്നങ്ങൾ പരസ്പരം കൂടിയാലോചിച്ചും ച൪ച്ച ചെയ്തുമാണ് പരിഹരിച്ചിരുന്നതെന്നും അമീ൪ പറഞ്ഞു. കിരീടാവകാശി ശൈഖ് നവാഫ് അൽ അഹ്മദ് അസ്വബാഹും സ൪ക്കാറിലെ മറ്റു പ്രമുഖരും സംബന്ധിച്ചു.