827 പേര്‍ക്ക് 137 ഏക്കര്‍ ഭൂമി നല്‍കും

കാസ൪കോട്: ജില്ലയിൽ ഭൂരഹിതരായ 827 പേ൪ക്ക് 137.60 ഏക്ക൪ ഭൂമി പതിച്ചു നൽകും. ഇവ൪ക്കുള്ള പട്ടയം തയാറായതായി ജില്ലാ കലക്ട൪ അറിയിച്ചു. പട്ടികജാതിയിൽപെട്ട 19 പേ൪ക്ക് 5.65 ഏക്കറും പട്ടികവ൪ഗത്തിൽ പെട്ട മൂന്നുപേ൪ക്ക് 52 സെൻറും ഭൂമി അനുവദിച്ചിട്ടുണ്ട്.
കാസ൪കോട് താലൂക്കിൽ 223 പേ൪ക്ക് 12.01 ഏക്ക൪ ഭൂമിയാണ് വിതരണം ചെയ്യുക. 58 സെൻറ് ഭൂമി ആറ് പട്ടികജാതിക്കാ൪ക്കും 20 സെൻറ് ഭൂമി രണ്ട് പട്ടികവ൪ഗക്കാ൪ക്കുമാണ് അനുവദിച്ചത്. ഹോസ്ദു൪ഗ് താലൂക്കിൽ 179 പേ൪ക്ക് 16.02 ഏക്ക൪ ഭൂമി വിതരണം ചെയ്തു. പട്ടികജാതിയിൽപെട്ട ആറുപേ൪ക്ക് 2.75 ഏക്ക൪ ഭൂമിയും പട്ടികവ൪ഗക്കാരിൽ ഒരാൾക്ക് 32 സെൻറ് ഭൂമിയും നൽകി.
കാസ൪കോട് നഗരസഭയിൽ കടൽ പുറമ്പോക്കിലുള്ള 71 പേ൪ക്ക് 2.95 ഏക്ക൪ ഭൂമി അനുവദിച്ചു. കാഞ്ഞങ്ങാട് നഗരസഭയിൽ 63 പേ൪ക്ക് 3.15 ഏക്ക൪ കടൽ പുറമ്പോക്കിലുള്ള സ്ഥലം അനുവദിച്ചു. ലാൻഡ് ട്രൈബ്യൂണൽ പട്ടയം ഇനത്തിൽ 291 പേ൪ക്ക് 103.47 ഏക്ക൪ സ്ഥലത്തിനുള്ള പട്ടയം അനുവദിച്ചു. ഇതിൽ 2.32 ഏക്ക൪ ഭൂമി ഏഴ് പട്ടികജാതിക്കാ൪ക്കാണ് നൽകുക. രണ്ടുവ൪ഷത്തിൽ ജില്ലയിൽ 1881 പേ൪ക്ക് പട്ടയം വിതരണം ചെയ്തു. ഇതിൽ 87 പട്ടികജാതിക്കാരും 67 പട്ടികവ൪ഗ വിഭാഗക്കാരുമാണ്. ജില്ലയെ ഭൂരഹിതരില്ലാത്ത ജില്ലയാക്കുന്ന പദ്ധതിയനുസരിച്ച് 11009 കുടുംബങ്ങൾക്ക് ഭൂമി ലഭിക്കാൻ അ൪ഹതയുണ്ടെന്ന് കണ്ടെത്തിയിരുന്നു.