വനംവകുപ്പ് നടപടിയില്‍ പ്രതിഷേധിച്ച് പഞ്ചായത്തംഗങ്ങള്‍ റെയ്ഞ്ച് ഓഫിസ് ഉപരോധിച്ചു

മേപ്പാടി: അട്ടമല വനമേഖലയിലേക്ക് മാലിന്യവുമായി പോയ ഗ്രാമപഞ്ചായത്തിൻെറ ലോറി തടഞ്ഞ് ഡ്രൈവ൪ ഹമീദിനെ അറസ്റ്റ് ചെയ്ത വനംവകുപ്പിൻെറ നടപടിയിൽ പ്രതിഷേധിച്ച് മേപ്പാടി ഗ്രാമപഞ്ചായത്തംഗങ്ങൾ ഫോറസ്റ്റ് റെയ്ഞ്ച് ഓഫിസ് ഉപരോധിച്ചു.
സംസ്കരണ പ്ളാൻറ് നി൪മിക്കുന്നതുവരെ അട്ടമല വനത്തിൽ മാലിന്യം നിക്ഷേപിക്കാൻ അനുവദിക്കണമെന്നതാണ് പഞ്ചായത്ത് അധികൃതരുടെ ആവശ്യം. ഈ ആവശ്യമുന്നയിച്ച് റെയ്ഞ്ച് ഓഫിസറുമായി നടത്തിയ ച൪ച്ചയിൽ തീരുമാനമായില്ല. ഡി.എഫ്.ഒ ഇടപെട്ട് പ്രശ്നം പരിഹരിക്കണമെന്ന് പഞ്ചായത്ത് അംഗങ്ങൾ ആവശ്യപ്പെട്ടു. അനുകൂല തീരുമാനമുണ്ടാകുന്നതുവരെ സമരം തുടരുമെന്നാണ് പഞ്ചായത്ത് അധികൃതരുടെ നിലപാട്. രാവിലെ പത്തിനാരംഭിച്ച ഉപരോധം വൈകുന്നേരം വരെ നീണ്ടു.