ഗാബോണില്‍ ബോട്ടു മുങ്ങി 10 പേര്‍ മരിച്ചു

ലീബ്രവീൽ: ആഫ്രിക്കൻ രാജ്യമായ ഗാബോണിൽ ബോട്ട് മറിഞ്ഞ് 10 പേ൪ മരിച്ചു. 20 പേരെ കാണാതായി. ഗാബോൺ തലസ്ഥാനമായ ലീബ്രവീലിൽ എത്തുന്നതിന് 15 മിനിറ്റു മുമ്പാണ് ബോട്ട് മുങ്ങിയത്.
പടിഞ്ഞാറൻ ആഫ്രിക്കയിൽ നിന്നുള്ള അഭയാ൪ഥികളുമായി പോവുകയായിരുന്ന ബോട്ടാണ് അപകടത്തിൽപ്പെട്ടത്. ബോട്ടിലുണ്ടായിരുന്ന 23 പേരെ രക്ഷപ്പെടുത്തിയതായി അധികൃത൪ അറിയിച്ചു. കാണാതായവ൪ക്കു വേണ്ടി തെരച്ചിൽ തുടരുന്നു.
മാ൪ച്ചിൽ നൈജീരിയയിൽ നിന്നും 166 അഭയാ൪ഥികളുമായി പുറപ്പെട്ട ബോട്ട് ഗാബോൺ തീരത്ത് മുങ്ങി 45 പേ൪ മരിച്ചിരുന്നു.