റോഡിലെ കുഴികളില്‍ വാഴ നട്ട് പ്രതിഷേധിച്ചു

മുളങ്കുന്നത്തുകാവ്: മെഡിക്കൽ കോളജിന് മുന്നിലെ റോഡിലെ കുഴികളിലെ വെള്ളക്കെട്ടിൽ വാഴ നട്ട് നാട്ടുകാ൪ പ്രതിഷേധിച്ചു. മെഡിക്കൽ കോളജ് ആശുപത്രികളിൽ രോഗികൾക്ക് എത്തിപ്പെടാൻ ദുരിതമാണ്. വെള്ളം കെട്ടിനിൽക്കുന്നതിനാൽ കുഴികൾ കാണാതെ വാഹനങ്ങൾ വീഴുന്നത് നിത്യസംഭവമാണ്. പഞ്ചായത്ത്-പൊതുമരാമത്ത് അധികൃതരുടെ ഭാഗത്തുനിന്ന് പരിഹാരനടപടി ഇല്ലാത്തതാണ് നാട്ടുകാരെ ചൊടിപ്പിച്ചത്. സമരപരിപാടികളുമായി മുന്നോട്ടുപോകുമെന്ന് നാട്ടുകാ൪ മുന്നറിയിപ്പ് നൽകി.