ലീഗിന്‍്റെ അസാധു വോട്ടില്‍ തൃക്കലങ്ങോട് പഞ്ചായത്ത് വൈ. പ്രസിഡന്‍്റ് സ്ഥാനം സി.പി.എമ്മിന്

മഞ്ചേരി: മലപ്പുറം ജില്ലയിലെ തൃക്കലങ്ങോട് പഞ്ചായത്തിലേക്ക് നടന്ന വൈസ് പ്രസിഡന്‍്റ് തെരഞ്ഞെടുപ്പിൽ പ്രതിപക്ഷ കക്ഷിയായ സി.പി.എമ്മിന് അപ്രതീക്ഷിത ജയം. എൽ.ഡി.എഫിനും യു.ഡി.എഫിനും 11 വീതം സീറ്റുള്ള പഞ്ചായത്ത് സമിതിയിൽ മുസ്ലിം ലീഗിന്‍്റെ ഒരു വോട്ട് അസാധുവായതോടെയാണ് വൈസ് പ്രസിഡന്‍്റ് പദവി എൽ.ഡി.എഫിന് ലഭിച്ചത്. സി.പി.എം തൃക്കലങ്ങോട് ലോക്കൽ കമ്മിറ്റി സെക്രട്ടറി കൂടിയായ കെ.കെ ജനാ൪ദ്ദനനാണ് വിജയിച്ചത്. കോൺഗ്രസിലെ പി. ലുഖ്മാനായിരുന്നു എതി൪ സ്ഥാനാ൪ഥി. നിലവിൽ മുസ്ലിം ലീഗിന്‍്റെ അംഗമാണ് ഇവിടെ പഞ്ചായത്ത് പ്രസിഡന്‍്റ്.