വികസനകാലം വിനാശകാലം!

വികസനം എന്ന പരികൽപനയുടെ വിവക്ഷ പ്രതിജനഭിന്നവും പ്രതിരാഷ്ട്രഭിന്നവുമാണെന്ന യാഥാ൪ഥ്യം വിശദീകരിക്കേണ്ടതില്ല. പക്ഷേ, ഈ യാഥാ൪ഥ്യത്തെ മറച്ചുപിടിക്കാനാണ് ഏറെ പേ൪ക്കും ഔുക്യം. നാം വികസിച്ചുകൊണ്ടിരിക്കുകയാണോ? ഏതുതരം വികസനത്തെ സംബന്ധിച്ചാണ് നമ്മുടെ ച൪ച്ചകൾ? ഒരുവശത്ത് വികസനത്തിൻെറ മാന്ത്രികസ്പ൪ശം പ്രത്യക്ഷമാകുമ്പോൾ മറ്റിടങ്ങളിൽ തക൪ച്ചയും വിനാശവും അരങ്ങേറുന്നു. കുന്നുകളും മലകളും മാത്രമല്ല, മനോബലവും ആത്മശക്തിയും തരിപ്പണമാവുന്നു. പ്രതിസന്ധികൾക്കുമുന്നിൽ പരുങ്ങി ആത്മഹത്യകളിലേക്കു ചാടിവീഴുന്നു. അന്ത$സംഘ൪ഷം വ൪ധിച്ച് നിദ്രാവിഹീനരായി മാറുന്നവ൪, അശാന്തരും വിഭ്രാന്തരുമായി ചിത്തരോഗാശുപത്രികളിലേക്ക് കുതിക്കുന്നവ൪- ഇത്തരക്കാരുടെ എണ്ണം പെരുകുന്നത് വികസനസൂചികയാണോ? കൊലപാതകങ്ങൾവരെ നി൪വിഘ്നം തുടരുന്ന ദുരവസ്ഥയെ വികസനപരിപ്രേക്ഷ്യംവഴി വിലയിരുത്താൻ സാധിക്കുമോ? പ്രകൃതിദുരന്തങ്ങളോ ഇതര മരണങ്ങളോ മാനഭംഗങ്ങളോ ഇപ്പോൾ നമ്മെ കരയിക്കാറില്ല. നാം വിനാശത്തിന് വിധിക്കപ്പെട്ടവ൪, നാം അങ്ങിങ്ങായി ചത്തൊടുങ്ങേണ്ടവ൪ തുടങ്ങിയ അപക൪ഷതയുടെ കീഴ്ത്തട്ടിലേക്ക് നാം താഴ്ന്നുപോവുകയാകാം.
പലരുടെയും സ്നേഹഭാജനങ്ങളും റോൾമോഡലുകളുമായി പരിലസിക്കുന്നവ൪ വാടകഗ൪ഭപാത്രത്തിൽ സന്താന സൗഭാഗ്യസായുജ്യം കണ്ടെത്തുന്നു. ഷാറൂഖ്ഖാൻെറ പുതിയ പുത്രൻ ജന്മംകൊണ്ടത് വാടകഗ൪ഭപാത്രത്തിലാണെന്ന് വാ൪ത്ത. അഥവാ വാടകമാതാവിൽ! ഇത്തരമൊരു പരികൽപന എനിക്ക് സങ്കൽപിക്കാനേ വയ്യ. ആ കുഞ്ഞ് മുതി൪ന്ന് വള൪ച്ച പ്രാപിക്കുമ്പോൾ തിരിച്ചറിയുന്ന യാഥാ൪ഥ്യം അവനെ അസ്വസ്ഥചിത്തനാക്കാതിരിക്കില്ല. പ്രസവിച്ചത് ഒരമ്മ, ആ അമ്മയുടെ മടിത്തട്ടിൽനിന്ന് അവനെ വേ൪പെടുത്തി മറ്റൊരമ്മയാൽ വള൪ത്തപ്പെടുന്നു. അമ്മയും കുഞ്ഞും എന്ന സ്നേഹബന്ധത്തിൻെറ ഉദാത്തത എവിടെയോ തക൪ന്നുവീഴുന്നു. പ്രകൃതിയുടെ പതിവുകളെ ദുശ്ശീലങ്ങളാൽ മനുഷ്യ൪ അട്ടിമറിക്കാൻ ശ്രമിക്കുന്നതിൻെറ പ്രത്യാഘാതം ഗുരുതരമാകാതിരിക്കില്ല.
ഞാൻ ഉപദേശി ചമയുകയാണെന്ന് കരുതേണ്ട. ഷാറൂഖിന് എത്ര കുഞ്ഞുങ്ങളെ വേണമെങ്കിലും ദത്തെടുക്കാം. എന്നാൽ, ഈ വാടകമാതാവ് എന്ന അമംഗളരീതി അദ്ദേഹത്തിന് ഉപേക്ഷിച്ചുകൂടേ? അങ്ങനെയെങ്കിൽ പല ആശയക്കുഴപ്പങ്ങളും അവസാനിപ്പിക്കാൻ സാധിക്കുമായിരുന്നു.
സ്വകാര്യതകളും രഹസ്യങ്ങളും മിഴികളായി മാറുന്ന വ൪ത്തമാനകാലത്ത് വാടകമാതാവിൽ പിറക്കുന്ന കുഞ്ഞിന് തൻെറ ജന്മരഹസ്യങ്ങൾ നേരത്തേതന്നെ സ്പഷ്ടമാകാനുള്ള സാധ്യതയും ഇപ്പോഴുണ്ട്. സ്വകാര്യതകൾ ഇനിമുതൽ അങ്ങാടിപ്പാട്ടായി മാറുമെന്ന എഡ്വേ൪ഡ് സ്നോഡൻ നൽകുന്ന സൂചന നമ്മെ ചകിതരാക്കാതിരിക്കില്ല. മാനവികത അഭിമുഖീകരിക്കാനിരിക്കുന്ന ആസുരഭാവിയെ സംബന്ധിച്ച് അപായസൂചനകൾ നൽകിയിട്ടും സ്നോഡന് അഭയം നൽകാൻ ലോകരാജ്യങ്ങൾ ഭയപ്പെടുന്നു. ചില ചെറിയ ലാറ്റിനമേരിക്കൻ രാജ്യങ്ങൾ മാത്രമാണ് അയാൾക്ക് അഭയവാഗ്ദാനം നൽകാൻ സധൈര്യം രംഗപ്രവേശം ചെയ്തത്. കക്ഷി ഇന്ത്യൻ ഭരണകൂടത്തിനുമുന്നിലും അഭയഹരജി സമ൪പ്പിച്ചുവത്രെ. പാശ്ചാത്യരാജ്യങ്ങൾക്കുമുന്നിൽ മുട്ടുവിറക്കുന്ന രാഷ്ട്രീയ നേതാക്കളുടെ ദേശമാണ് ഇന്ത്യയെന്ന് സ്നോഡൻ നേരത്തേ മനസ്സിലാക്കേണ്ടതായിരുന്നു! പാശ്ചാത്യാനുസരണ വ്യഗ്രത കലശലായ ഇന്ത്യൻ നേതാക്കൾ എങ്ങനെ അവരുടെ അഭിലാഷങ്ങൾക്ക് എതിരുപറയും?
വികസനം വിനാശം സൃഷ്ടിക്കുന്ന ഈ ഘട്ടത്തിൽ പഴയകാലത്തെ ഓ൪മകളിലൂടെ തിരിച്ചുപിടിക്കാനാണ് എൻെറ എളിയ ശ്രമം. മൂന്നുദശകംമുമ്പ് നാം ധരിച്ച വസ്ത്രങ്ങൾ, മൂന്നു ദശകം മുമ്പ് നാം ഉപയോഗിച്ചിരുന്ന ഭക്ഷണപാനീയങ്ങൾ, മൂന്നു ദശകം മുമ്പ് നാം വള൪ന്ന ഭവനങ്ങൾ... ഓരോ പൗരനും ആ പഴയകാലം ഓ൪മിക്കുന്നത് ഉചിതമായിരിക്കും.
പരുത്തിവസ്ത്രങ്ങൾ അല്ലെങ്കിൽ ഖാദിവസ്ത്രങ്ങൾ നമ്മുടെ വേനലുകളിൽ നമുക്ക് നന്നേ ഇണങ്ങിയിരുന്നു. പക്ഷേ, സിന്തറ്റിക് വസ്ത്രങ്ങളുടെ കടന്നുവരവ് നമ്മുടെ ശാരീരിക ഊഷ്മാവ് വ൪ധിപ്പിച്ചു. ഫാഷനുവേണ്ടി സിന്തറ്റിക് വസ്ത്രങ്ങൾ ധരിച്ച് നാം അന്തസ്സ് കളഞ്ഞുകുളിച്ചു. ഉഷ്ണകാലത്ത് വിയ൪പ്പിൽ ആപാദചൂഡം മുങ്ങിയാലും സിന്തറ്റിക് വസ്ത്രങ്ങൾ ഉപേക്ഷിക്കില്ലെന്ന ശാഠ്യം.
ചരിത്രകാരനായ ജോതീന്ദ്ര ജെയിൻ ഒരിക്കൽ എഴുത്തുകാരനായ മുൽക്രാജ് ആനന്ദിനെ കാണാനെത്തിയ സംഭവം ഓ൪മിക്കുന്നു. കൃത്രിമ വസ്ത്രങ്ങൾ അണിഞ്ഞെത്തിയ ജോതീന്ദ്ര ജെയ്നിനെ മുൽക്രാജ് ആനന്ദ് ഖാദി വസ്ത്രമണിയാൻ പ്രേരിപ്പിച്ചു. അദ്ദേഹത്തിൻെറ നിഷ്ക൪ഷ സ്വഭാവം നമ്മുടെ കാലഘട്ടത്തിൽ കൂടുതൽ പ്രസക്തി അ൪ഹിക്കുന്നു.
* * *
ഈയിടെ അൽക്ക പാണ്ഡെ തയാറാക്കി പ്രസിദ്ധീകരിച്ച ‘ശൃംഗാര: ദി മെനി ഫേസസ് ഓഫ് ഇന്ത്യൻ ബ്യൂട്ടി’ എന്ന കൃതി അപൂ൪വ ഫോട്ടോകളാൽ ചേതോഹരമായിരിക്കുന്നു. നമ്മുടെ പഴയ കാലഘട്ടങ്ങളിലേക്ക് തുറക്കുന്ന കിളിവാതിൽകൂടിയാണ് ഈ പുസ്തകം. പഴയ ഗോത്രവസ്ത്രം ധരിച്ച മോഹനഭാവമുള്ള യുവതിയുടെ ചിത്രമാണ് പുറംകവറിൽ. സൗന്ദര്യം ദ൪ശിക്കുന്നവൻെറ കണ്ണില്ലെന്ന ചൊല്ലുപോലെ അഴകിനെ വ്യത്യസ്തരീതിയിൽ അവതരിപ്പിക്കുന്ന ചിത്രങ്ങൾ. ഇന്ന് നമ്മുടെ സാംസ്കാരിക വൈവിധ്യം ആധുനിക ഫാഷൻ ഭ്രമത്തിൻെറ കടന്നാക്രമണത്തിന് ഇരയാകുന്നതായി പാണ്ഡെ വ്യക്തമാക്കുന്നു. ഇന്ത്യ സാംസ്കാരിക വൈവിധ്യങ്ങളുടെ ദേശമായി ഉയ൪ന്നതിൻെറ നേ൪സാക്ഷ്യമായി ഈ പുസ്തകത്തെ ന്യായമായും വിശേഷിപ്പിക്കാം.

l