മടക്കത്താനത്ത് യൂത്ത് കോണ്‍ഗ്രസ് -ഡി.വൈ.എഫ്.ഐ സംഘര്‍ഷം

തൊടുപുഴ: മടക്കത്താനത്ത് യൂത്ത് കോൺഗ്രസ്-ഡി.വൈ.എഫ്.ഐ സംഘ൪ഷത്തിൽ അഞ്ചുപേ൪ക്ക് പരിക്കേറ്റു. ഹ൪ത്താലിനോടനുബന്ധിച്ച് എൽ.ഡി.എഫ് നടത്തിയ പ്രകടനത്തിന് ശേഷമാണ് യൂത്ത് കോൺഗ്രസ്-ഡി.വൈ.എഫ്.ഐ പ്രവ൪ത്തക൪ മടക്കത്താനത്ത് ഏറ്റുമുട്ടിയത്.

ബുധനാഴ്ച രാവിലെ 10 ഓടെയായിരുന്നു സംഭവം. ഹ൪ത്താലിന് അനുഭാവം പ്രകടിപ്പിച്ച് എൽ.ഡി.എഫ് നേതൃത്വത്തിൽ നടന്ന പ്രകടനത്തിൽ റോഡരികിലുണ്ടായിരുന്ന കോൺഗ്രസിൻെറ ബാനറുകളും ഫ്ളക്സുകളും പ്രവ൪ത്തക൪ നശിപ്പിച്ചിരുന്നു. ഇതിൽ പ്രതിഷേധിച്ച് യൂത്ത് കോൺഗ്രസ് നടത്തിയ പ്രതിഷേധത്തിനിടെയായിരുന്നു സംഘ൪ഷം.മടക്കത്താനത്ത് നിന്ന് ഇടക്കാട്ട് കയറ്റമെത്തിയപ്പോൾ ഇരുകൂട്ടരും തമ്മിൽ തല്ലുകയായിരുന്നു. സംഘ൪ഷത്തിൽ യൂത്ത് കോൺഗ്രസ് മടക്കത്താനം മേഖല സെക്രട്ടറി ദിലീപ് വെള്ളാപ്പള്ളി, ഡി.വൈ.എഫ്.ഐ പ്രവ൪ത്തകരായ ജിസ്, സുരേഷ്, വിനോദ് എന്നിവ൪ക്ക് പരിക്കേറ്റു. ഇവരെ സമീപത്തെ സ്വകാര്യ ആശുപത്രികളിൽ പ്രവേശിപ്പിച്ചു.