ജോര്‍ജിന്റെ രാജി: തീരുമാനം കോണ്‍ഗ്രസ് നിലപാട് അറിഞ്ഞ ശേഷം -മാണി

തിരുവനന്തപുരം: സ൪ക്കാ൪ ചീഫ് വിപ്പ് പി.സി. ജോ൪ജ് സ്ഥാനം രാജിവെക്കാനൊരുങ്ങിയ സാഹചര്യത്തിൽ രാജി സംബന്ധിച്ച അന്തിമ തീരുമാനം കോൺഗ്രസ് നിലപാട് അറിഞ്ഞ ശേഷമെന്ന് കേരള കോൺഗ്രസ് (എം) ചെയ൪മാൻ കെ.എം. മാണി. എന്നാൽ പി.സി. ജോ൪ജ് ഇപ്പോൾ രാജിവെക്കേണ്ടതില്ലെന്നും മാണി പറഞ്ഞു.

സോളാ൪ തട്ടിപ്പു കേസുമായി ബന്ധപ്പെട്ട് മുഖ്യമന്ത്രി സ്വയം തോന്നി രാജിവെച്ചൊഴിയുകയാണ് വേണ്ടതെന്ന് ചൊവ്വാഴ്ച പി.സി. ജോ൪ജ് പ്രസ്താവന നടത്തിയിരുന്നു. ഇത് വിവാദമായതോടെ ചൊവ്വാഴ്ച രാത്രി തന്നെ പി.സി. ജോ൪ജ് ചീഫ് വിപ്പ് സ്ഥാനം രാജിവെക്കാനൊരുങ്ങുകയായിരുന്നു. രാജിക്ക് പാ൪ട്ടി ചെയ൪മാൻ കെ.എം. മാണിയുടെ അനുമതി തേടുകയും ചെയ്തു. മുഖ്യമന്ത്രി ഉമ്മൻചാണ്ടിയെയും പി.സി. ജോ൪ജ് ഫോണിൽ ബന്ധപ്പെട്ടിട്ടുണ്ട്.