വാദ്ര കേസ് എസ്.ഐ.ടി അന്വേഷിക്കണമെന്ന് ബി.ജെ.പി

ന്യൂദൽഹി: സോണിയ ഗാന്ധിയുടെ മരുമകൻ റോബ൪ട്ട് വാദ്ര ഉൾപ്പെട്ട ഭൂമി കുംഭകോണ കേസ് പ്രത്യേക അന്വേഷണ സംഘത്തെ (എസ്.ഐ.ടി) കൊണ്ട് അന്വേഷിപ്പിക്കണമെന്ന് ആവശ്യപ്പെട്ട് ബി.ജെ.പി രംഗത്ത്.
ദൽഹി, രാജസ്ഥാൻ, ഹരിയാന തുടങ്ങി കോൺഗ്രസ് ഭരിക്കുന്ന സംസ്ഥാനങ്ങളിലുടനീളം അനധികൃതമായി വാദ്ര നടത്തിയ ഭൂമി ഇടപാടുകൾ സുപ്രീം കോടതിയുടെ നിരീക്ഷണത്തിൽ പ്രത്യേക അന്വേഷണ സംഘമാണ് അന്വേഷിക്കേണ്ടതെന്ന് ബി.ജെ.പി നേതാവ് യശ്വന്ത് സിൻഹ അഭിപ്രായപ്പെട്ടു.


ബാങ്കിംഗ് നിയമവും, കമ്പനി നിയമവും ഇൻകം-ടാക്സ് നിയമവും ഈ ഇടപാടിൽ പാലിച്ചിട്ടുണ്ടോയെന്ന് എസ്.ഐ.ടി പരിശോധിച്ച് കണ്ടെത്തണമെന്നാണ് ബി.ജെ.പി ആവശ്യം. ഈ ആവശ്യമുന്നയിച്ച് പാ൪ലമെൻറിൻെറ ഇരുസഭകളും ബി.ജെ.പി അൽപ സമയം തടസ്സപ്പെടുത്തി.