മനുഷ്യനില്‍ ആത്മീയഭാവം വളര്‍ത്താന്‍ മതങ്ങള്‍ക്കാകണം -പി.ജെ. കുര്യന്‍

പുന്നമൂട്: മാനവ സൗഹാ൪ദത്തിൻെറ ഇഴയടുപ്പവുമായി മലങ്കര സുറിയാനി കത്തോലിക്കാ സഭ സംഘടിപ്പിച്ച മതസൗഹാ൪ദ സമ്മേളനം ശ്രദ്ധേയമായി. വിശ്വാസികളുടെ എണ്ണം വ൪ധിച്ചുവെങ്കിലും വികല മനസ്സുകളുടെ ഉടമകളായി വളരുന്നതിൻെറ ആശങ്കയാണ് സമ്മേളനം പങ്കുവെച്ചത്. അവരവരുടെ വിശ്വാസങ്ങളിൽ ഉറച്ചുനിൽക്കുന്നതിനൊപ്പം മറ്റുള്ളവരുടെ വിശ്വാസങ്ങളെ ആദരിക്കാൻ തയാറായാൽ സൗഹാ൪ദം വള൪ത്താൻ കഴിയുമെന്ന സന്ദേശവും സമ്മേളനം നൽകി. മലങ്കര സുറിയാനി കത്തോലിക്കാ സഭയുടെ പുനരൈക്യ വാ൪ഷിക ഭാഗമായി സംഘടിപ്പിച്ച സൗഹാ൪ദ സമ്മേളനം രാജ്യസഭ ഉപാധ്യക്ഷൻ പ്രഫ. പി.ജെ. കുര്യൻ ഉദ്ഘാടനം ചെയ്തു.
കേവല അനുഷ്ഠാനങ്ങൾ മാത്രമായി വിശ്വാസം രൂപപ്പെടുന്നതാണ് എല്ലാ പ്രശ്നങ്ങൾക്കും കാരണമെന്ന് അദ്ദേഹം പറഞ്ഞു. മനുഷ്യനിൽ ആത്മീയഭാവം വള൪ത്താൻ കഴിഞ്ഞാലെ പ്രശ്നങ്ങൾ പരിഹരിക്കാനാകു. മനുഷ്യ മനസ്സുകളിലേക്ക് ഇറങ്ങിച്ചെല്ലുന്ന പ്രവ൪ത്തന രീതി രൂപപ്പെടുത്തിയാൽ മാത്രമേ സൗഹാ൪ദ അന്തരീക്ഷം സൃഷ്ടിക്കാൻ കഴിയൂവെന്ന് മുഖ്യപ്രഭാഷണം നടത്തിയ പാളയം ഇമാം മൗലവി ജമാലുദ്ദീൻ മങ്കട അഭിപ്രായപ്പെട്ടു.
ആത്മീയതയിൽ രാഷ്ട്രീയം കൂടി കാണാൻ കഴിഞ്ഞാലെ ഇത്തരം പ്രവ൪ത്തനങ്ങൾ വിപുലപ്പെടുത്താൻ കഴിയു. അവരവരുടെ വിശ്വാസങ്ങളിൽ ഉറച്ചുനിന്നുകൊണ്ട് മറ്റുള്ളവരെ ആദരിക്കാൻ തയാറായാൽ നല്ല സൗഹാ൪ദം വള൪ത്താൻ കഴിയുമെന്നും അദ്ദേഹം പറഞ്ഞു. അരാജകത്വവും അധാ൪മികതയും ശക്തിപ്രാപിച്ച നിലവിലെ സാമൂഹിക സാഹചര്യത്തെ മറികടക്കാൻ കഴിയണമെന്ന് സീറോ മലബാ൪ സഭാ വക്താവ് ഡോ. പോൾ തേലേക്കാട്ട് പറഞ്ഞു. പുന്നമൂട് മാ൪ ഇവാനിയോസ് നഗറിൽ നടന്ന സമ്മേളനത്തിൽ ബസേലിയോസ് ക൪ദിനാൾ ക്ളീമിസ് കാത്തോലിക്കാ ബാവ അധ്യക്ഷത വഹിച്ചു.
ന്യൂനപക്ഷ വിദ്യാഭ്യാസ കമീഷൻ അംഗം ഡോ. സിറിയക് തോമസ്, സാഹിത്യ പോഷിണി എഡിറ്റ൪ ചുനക്കര ജനാ൪ദനൻ നായ൪, ഡോ. സാമുവൽ മാ൪ ഐറേനിയസ്, അഡ്വ. ജോൺസൺ എബ്രഹാം എന്നിവ൪ സംസാരിച്ചു.രാവിലെ നടന്ന സെമിനാ൪ മന്ത്രി കെ.സി. ജോസഫ് ഉദ്ഘാടനം ചെയ്തു. ഡോ. എബ്രഹാം മാ൪ യൂസിലോസ് അധ്യഷത വഹിച്ചു. ഡി.ജി.പി ഡോ. അലക്സാണ്ട൪ ജേക്കബ്, ഫാ. വ൪ഗീസ് മറ്റമന, തോമസ്കുട്ടി പനച്ചിക്കൽ തുടങ്ങിയവ൪ സംസാരിച്ചു. വെള്ളിയാഴ്ച എം.സി.സി.എൽ സംഗമം, എം.സി.വൈ.എം സംഗമം, എക്യുമിനിക്കൽ സമ്മേളനം എന്നിവ നടക്കും.