മലയാളി എന്‍ജിനീയര്‍ തമിഴ്നാട്ടില്‍ വാഹനാപകടത്തില്‍ മരിച്ചു

കോഴിക്കോട്: ബംഗളൂരുവിലെ മലയാളി സോഫ്റ്റ്വെയ൪ എൻജിനീയ൪ ചെന്നൈക്കുള്ള യാത്രാമധ്യേ ബൈക്കപകടത്തിൽ മരിച്ചു. നരിക്കുനി നാലുപുരക്കൽ ഹരീഷിൻെറ (സൗദി അറേബ്യ) മകനും ബംഗളൂരു ഫ്ളെക്ച്യൂറ ഡിവിഷൻ സയൻസസ് ആൻഡ് അനലിറ്റിക്സ് കമ്പനിയിലെ എൻജിനീയറുമായ അ൪ജുൻ ഹരീഷ്നാഥാണ് (23) തമിഴ്നാട്ടിലെ ശ്രീപെരുംപുത്തൂരിൽ അപകടത്തിൽപെട്ടത്. ബംഗളൂരുവിൽനിന്ന് സുഹൃത്തുമൊന്നിച്ച് ബൈക്കിൽ ചെന്നൈയിലേക്ക് പോവുകയായിരുന്നു. സുഹൃത്തും മരിച്ചു. മാതാവ്: പാടാച്ചേരി ശ്രീലത (അധ്യാപിക). ഏക സഹോദരൻ ആവിൻ ഹരീഷ്നാഥ് പുണെയിൽ മെഡിക്കൽ വിദ്യാ൪ഥിയാണ്. സംസ്കാരം ഞായറാഴ്ച രാവിലെ 10ന് നരിക്കുനിയിലെ തറവാട് വീട്ടിൽ.