കുമ്പനാട് സബ് സ്റ്റേഷന്‍ നിര്‍മാണം പൂര്‍ത്തീകരിക്കാന്‍ നിര്‍ദേശം

പത്തനംതിട്ട: കുമ്പനാട് സബ്സ്റ്റേഷൻെറ നി൪മാണം സമയബന്ധിതമായി പൂ൪ത്തീകരിക്കാൻ ജില്ലാ വികസന സമിതിയോഗം ബന്ധപ്പെട്ട ഉദ്യോഗസ്ഥ൪ക്ക് നി൪ദേശം നൽകി.

മെഴുവേലി പഞ്ചായത്തിലെ ചന്ദനക്കുന്ന് കോളനിയിലെ ജീ൪ണാവസ്ഥയിലെ വീടുകൾ പുന൪നി൪മിക്കുന്നതിന് റവന്യൂ വകുപ്പും പട്ടികജാതി വകുപ്പും നടപടി സ്വീകരിക്കണമെന്ന് കെ.ശിവദാസൻ നായ൪ എം.എൽ.എ പറഞ്ഞു. തിരുവല്ലകുമ്പഴ റോഡ് ബി.എം ആൻഡ് ബി.സി നിലവാരത്തിൽ ടാ൪ ചെയ്യുന്നതിന് ഭരണാനുമതിയായി. ജില്ലയിൽ ഒരു അക്ഷയ സെൻറ൪ മാത്രമുള്ള പഞ്ചായത്തുകളിൽ പുതിയ ഒരു സെൻറ൪ കൂടി അനുവദിക്കും. റിവ൪ മാനേജ്മെൻറ ഫണ്ട് എല്ലാ നിയോജകമണ്ഡലങ്ങൾക്കും ആനുപാതികമായി നൽകണമെന്നും കെ.ശിവദാസൻ നായ൪ എം.എൽ.എ പറഞ്ഞു.

ഏഴംകുളം ജങ്ഷൻ, കുരമ്പാല ജങ്ഷൻ, നെല്ലിമൂട്ടിൽപ്പടി ജങ്ഷൻ ഉൾപ്പെടെ അപകട സാധ്യതയുള്ള സ്ഥലങ്ങളിലെല്ലാം മഞ്ഞ ട്രാഫിക് ലൈറ്റ് സ്ഥാപിക്കണമെന്ന് ചിറ്റയം ഗോപകുമാ൪ എം.എൽ.എ നി൪ദേശിച്ചു. തിരുവല്ല സിവിൽ സ്റ്റേഷനിലെ കുടിവെള്ള പ്രശ്നം പരിഹരിക്കുന്നതിന് പ്രത്യേകം പൈപ് ലൈൻ സ്ഥാപിക്കുന്ന കാര്യം വാട്ട൪ അതോറിറ്റിയുമായി തഹസിൽദാ൪ ച൪ച്ച ചെയ്യണമെന്ന് ജില്ലാ പഞ്ചായത്ത് പ്രസിഡൻറ് ഡോ.സജി ചാക്കോ നി൪ദേശിച്ചു.

റാന്നി റസ്റ്റ് ഹൗസിൻെറ ബോയിൽ ഇൻവെസ്റ്റിഗേഷൻ റിപ്പോ൪ട്ടും സ൪വേ പ്ളാനും പ്ളാൻ തയാറാക്കുന്നതിന് ആ൪ക്കിടെക്ച൪ വിഭാഗത്തിന് നൽകി. ജില്ലയിലെ വിവിധ പൊലീസ് സ്റ്റേഷനുകളിലായി പിടിച്ചിട്ടിരിക്കുന്ന അവകാശികൾ ഇല്ലാത്ത വാഹനങ്ങൾ ലേലം ചെയ്യുന്നതിന് നടപടി തുടങ്ങി. 88 വാഹനങ്ങളുടെ വില ആ൪.ടി.ഒ ഓഫിസുകളിൽനിന്ന് നി൪ണയിച്ച് നൽകി.

മുള്ളനിക്കാട് പട്ടികജാതി കുടിവെള്ള പദ്ധതിയിൽ പൈപ് ലൈൻ പണി പൂ൪ത്തിയാക്കി പ്രഷ൪ ഫിൽട്ട൪ സ്ഥാപിച്ചു. പദ്ധതിക്കാവശ്യമായ പമ്പ് സെറ്റ് ലഭിച്ചു. 30ന് മുമ്പ് പണി പൂ൪ത്തിയാക്കും.

കടപ്ര വീയപുരം ലിങ്ക് ഹൈവേയുടെ ടാറിങ് ഉടൻ ആരംഭിക്കും. റോഡിലെ ഇലക്ട്രിക് പോസ്റ്റുകൾ മാറ്റി സ്ഥാപിച്ചതായി കെ.എസ്.ഇ.ബി അറിയിച്ചു. പത്തനംതിട്ട സുബല പാ൪ക്കിൽ പെൺകുട്ടികൾക്കുള്ള പോസ്റ്റ്മെട്രിക് ഹോസ്റ്റൽ, പ്രീ എക്സാമിനേഷൻ ട്രെയ്നിങ് സെൻറ൪ എന്നിവ ആരംഭിക്കുന്നതിന് സ൪ക്കാ൪ അനുമതിക്ക് അപേക്ഷ സമ൪പ്പിച്ചിട്ടുണ്ടെന്ന് ജില്ലാ പട്ടികജാതി വികസന ഓഫിസ൪ പറഞ്ഞു.

തിരുവല്ലമല്ലപ്പള്ളി റോഡിൻെറ ടാറിങ് തുടങ്ങി. കടപ്ര നിരണം ഭാഗം, വെസ്റ്റ് കടവ് പാലത്തിൻെറ പടിഞ്ഞാറ് ഭാഗം എന്നിവിടങ്ങളിലെ കുടിവെള്ളക്ഷാമം പരിഹരിക്കുന്നതിന് നടപടി സ്വീകരിച്ചു. പത്തനംതിട്ട നഗരത്തിലെ റിങ് റോഡിൻെറ വിപുലീകരണവുമായി ബന്ധപ്പെട്ട് സിഗ്നൽ ലൈറ്റുകൾ സ്ഥാപിക്കുന്നതിന് അനുമതി തേടി പൊതുമരാമത്ത് ചീഫ് എൻജിനീയ൪ക്ക് പ്രപ്പോസൽ സമ൪പ്പിച്ചു. റാന്നി നിയോജകമണ്ഡലത്തിൽ ഭൂജല വകുപ്പിൻെറ കീഴിലെ പദ്ധതികളിൽ ഒന്ന് പൂ൪ത്തിയായി. ബാക്കിയുള്ളവ പുരോഗമിക്കുന്നു.

ഓട്ടോഫീസ് കടവിൽ കുടിവെള്ളം ലഭ്യമാക്കുന്നതിന് സ്വകാര്യഭൂമിയിൽ കൂടി താൽക്കാലികമായി പൈപ് ലൈൻ സ്ഥാപിക്കുന്നതിന് വാട്ട൪ അതോറിറ്റി എസ്റ്റിമേറ്റ് തയാറാക്കി. പാലം പണി തീ൪ന്നശേഷമെ സ്ഥിരം പൈപ് സ്ഥാപിക്കൂ. കുടിശ്ശിക അടച്ചെങ്കിലേ പുറമറ്റം പഞ്ചായത്തിലെ കമ്പനിമല ജലവിതരണ പദ്ധതിയുടെ വൈദ്യുതി കണക്ഷൻ പുന$സ്ഥാപിക്കാനാകൂവെന്ന് കെ.എസ്.ഇ.ബി അറിയിച്ചു. പിഴപ്പലിശ ഒഴിവാക്കിയാൽ തുക അടക്കാമെന്ന് പഞ്ചായത്ത് കമ്മിറ്റി തീരുമാനിച്ചിട്ടുണ്ടെന്ന് പഞ്ചായത്ത് ഡെപ്യൂട്ടി ഡയറക്ട൪ അറിയിച്ചു. പാലക്കത്തകിടിപ്ളാച്ചിറപ്പടി റോഡിന് 20 ലക്ഷം രൂപയുടെ ഭരണാനുമതി ലഭിച്ചു. പനച്ചിമൂട്ടികടവ് പാലത്തിൻെറ അപ്രോച്ച് റോഡിനാവശ്യമായ സ്ഥലത്തിൻെറ സ൪വേ മാപ് തിങ്കളാഴ്ച ലഭ്യമാക്കും.

കടപ്ര നിരണം ഭാഗത്തെ കുട്ടനാട് പാക്കേജിൽ ഉൾപ്പെടുത്തി പുറം ബണ്ട് നി൪മിക്കുന്നതിനുള്ള പദ്ധതി നി൪ദേശം സംസ്ഥാന സാങ്കേതിക ഉപദേശക സമിതിയുടെ അംഗീകാരത്തിന് ശേഷം കേന്ദ്ര ജലകമീഷന് സമ൪പ്പിച്ചു. പൊതുമരാമത്ത്, റവന്യൂ, പഞ്ചായത്ത്, പൊലീസ് വകുപ്പുകളുടെ സംയുക്തയോഗം വിളിച്ചശേഷം റോഡരികിൽ അനധികൃതമായി പ്രവ൪ത്തിക്കുന്ന കടകൾ അടുത്ത മാസം നീക്കം ചെയ്യുമെന്ന് തിരുവല്ല ആ൪.ഡി.ഒ അറിയിച്ചു.

മല്ലപ്പള്ളി ഗവ.ആശുപത്രിയിലെ ഓപറേഷൻ തിയറ്ററിൻെറ വൈദ്യുതീകരണ ജോലി പൂ൪ത്തീകരിച്ചുവരുകയാണെന്ന് ജില്ലാ മെഡിക്കൽ ഓഫിസ൪ അറിയിച്ചു. കലക്ട൪ പ്രണബ് ജ്യോതിനാഥ് അധ്യക്ഷത വഹിച്ചു.

ജില്ലാ പൊലീസ് മേധാവി പി.വിമലാദിത്യ, അസി.കലക്ട൪ പി.ബി.നൂഹ്, എ.ഡി.എം എച്ച്.സലിംരാജ്, ജില്ലാ പ്ളാനിങ് ഓഫിസ൪ സി.ആ൪.മധുസൂദനൻ പിള്ള, ഡെപ്യൂട്ടി പ്ളാനിങ് ഓഫിസ൪ സുരേഷ് ബാബു തുടങ്ങിയവ൪ പങ്കെടുത്തു.