അര്‍ഹതയില്ലാത്ത ബി.പി.എല്‍ കാര്‍ഡുകള്‍ കണ്ടെത്തും

കാസ൪കോട്: അന൪ഹരായ ബി.പി.എൽ കാ൪ഡുകൾ റേഷൻകട ഉടമകളുടെ സഹായത്തോടെ കണ്ടെത്താൻ ജില്ലാ വികസന സമിതി യോഗം ജില്ലാ സപൈ്ള ഓഫിസ൪ക്ക് നി൪ദേശം നൽകി. അ൪ഹതയുള്ളവ൪ക്ക് ബി.പി.എൽ റേഷൻ കാ൪ഡ് അനുവദിക്കാൻ ക൪ശന നടപടി സ്വീകരിക്കും.
കഴിഞ്ഞ വ൪ഷം 9593 അപേക്ഷകളാണ് ജില്ലയിൽ ബി.പി.എൽ പട്ടികയിൽ ഉൾപ്പെടുത്താൻ ലഭിച്ചത്. ഇതിൽ എൻഡോസൾഫാൻ ദുരിതബാധിതരുൾപ്പെടെ 1700 പേ൪ക്ക് പുതുതായി ബി.പി.എൽ റേഷൻ കാ൪ഡ് അനുവദിച്ചു. പുതിയവ എ.പി.എൽ ആയാണ് അനുവദിക്കുന്നത്. 2009ലെ ലിസ്റ്റിൽ ഉൾപ്പെട്ടവ൪ക്ക് മാത്രമാണ് ബി.പി.എൽ കാ൪ഡ് അനുവദിച്ചിട്ടുള്ളത്. ഈ പട്ടികയിലുൾപ്പെട്ടവരിൽ അന൪ഹരുണ്ടെങ്കിൽ റേഷൻ കാ൪ഡ് തിരിച്ചുപിടിക്കും. ജില്ലയിൽ 52,238 ബി.പി.എൽ കുടുംബങ്ങളാണുള്ളതെന്നും സപൈ്ള ഓഫിസ൪ അറിയിച്ചു.
ഭൂരഹിതരില്ലാത്ത കേരളം പദ്ധതിയിൽ ജില്ലയിൽ 12,000 ഭൂരഹിത൪ക്ക് പ്ളോട്ടുകൾ അനുവദിക്കും. ഇതിനുള്ള നറുക്കെടുപ്പ് ഒക്ടോബ൪ നാലിന് കലക്ടറേറ്റിൽ നടക്കും. ആദ്യഘട്ടത്തിൽ ഇതര ജില്ലകളിൽനിന്നുള്ള അപേക്ഷക൪ക്ക് ഇവിടെ ഭൂമി അനുവദിക്കില്ല. വിദ്യാഭ്യാസ വായ്പാ പലിശ ഇളവ് അനുവദിക്കുന്നതിൽ സഹകരണ ബാങ്കുകളെ കൂടി ഉൾപ്പെടുത്തണമെന്ന് യോഗം ആവശ്യപ്പെട്ടു. നിലവിൽ ദേശസാത്കൃത ബാങ്കുകളിൽനിന്നും സംസ്ഥാന സഹകരണ ബാങ്കിൽനിന്നും എടുത്ത വിദ്യാഭ്യാസ വായ്പക്ക് മാത്രമാണ് പലിശയിളവ് അനുവദിക്കുന്നത്. സഹകരണ ബാങ്കുകളെ ഉൾപ്പെടുത്താത്തതിനാൽ സാധാരണക്കാരായ നിരവധി വിദ്യാ൪ഥികൾക്ക് ആനുകൂല്യം നഷ്ടപ്പെടുകയാണെന്നും ജനപ്രതിനിധികൾ ആഭിപ്രായപ്പെട്ടു.
മഞ്ചേശ്വരം കബഡി അക്കാദമിക്ക് സ൪ക്കാ൪ അനുവദിച്ച ആറുലക്ഷം രൂപ നിബന്ധനകൾ പാലിക്കാതെയാണ് ചെലവഴിച്ചതെന്ന് ജില്ലാ സ്പോ൪ട്സ് കൗൺസിൽ സെക്രട്ടറി യോഗത്തിൽ റിപ്പോ൪ട്ട് ചെയ്തു. ഈ സംഭവത്തിൽ ജില്ലാ കബഡി അസോസിയേഷനോട് വിശദീകരണം തേടും.
പട്ടികജാതി വികസന വകുപ്പ് നടപ്പാക്കുന്ന സ്വയംപര്യാപ്ത ഗ്രാമം പദ്ധതിയുടെ പ്രവ൪ത്തനം തൃക്കരിപ്പൂ൪ മണ്ഡലത്തിൽ തൃപ്തികരമല്ലെന്ന് ജനപ്രതിനിധികൾ ചൂണ്ടിക്കാട്ടി. പദ്ധതി ജില്ലാ ഭരണകൂടത്തിൻെറ നേതൃത്വത്തിൽ നിരീക്ഷിക്കണം.
ഇ. ചന്ദ്രശേഖരൻ എം.എൽ.എയുടെ ആസ്തി വികസന ഫണ്ടിൽനിന്ന് അനുവദിച്ച രണ്ടുകോടി രൂപ ഉപയോഗിച്ച് പൂടംകല്ല് -ബളാൽ റോഡ് വീതി കൂട്ടി ടാ൪ ചെയ്യും. അവശേഷിക്കുന്ന ഭാഗം ജില്ലാ പഞ്ചായത്ത് അനുവദിച്ച 56 ലക്ഷം രൂപ ഉപയോഗിച്ച് പൂ൪ത്തീകരിക്കും. അനധികൃത ക്വാറികൾ പ്രവ൪ത്തിക്കുന്നില്ലെന്ന് ഉറപ്പുവരുത്താൻ കലക്ട൪ നി൪ദേശിച്ചു. പരിസരവാസികളുടെ പ്രതിഷേധത്തെ തുട൪ന്ന് കിനാനൂ൪-കരിന്തളം പഞ്ചായത്ത് എട്ടാം വാ൪ഡിലെ കരിങ്കൽ ക്വാറിയിൽ ഖനനം ആരംഭിച്ചിട്ടില്ലെന്ന് സീനിയ൪ ജിയോളജിസ്റ്റ് അറിയിച്ചു.
മൂലക്കണ്ടം കോളനിയിൽ കമ്പ്യൂട്ട൪ സെൻറ൪ നി൪മിക്കുന്നതിന് ആറ് സെൻറ് ഭൂമി അനുവദിച്ചതായി എ.ഡി.എം അറിയിച്ചു. രാജീവ്ഗാന്ധി വിദ്യുതയോജന പദ്ധതി അന്തിമഘട്ടത്തിലാണെന്നും അടുത്ത ഘട്ടത്തിൽ വൈദ്യുതി നൽകുന്നതിന് ബി.പി.എൽ ലിസ്റ്റിൽ ഉൾപ്പെട്ട വൈദ്യുതി ലഭിക്കാത്ത കുടുംബങ്ങളുടെ വിവരം തദ്ദേശഭരണ സ്ഥാപനങ്ങളോട് ആവശ്യപ്പെട്ടിട്ടുണ്ടെന്നും കെ.എസ്.ഇ.ബി ഉദ്യോഗസ്ഥ൪ അറിയിച്ചു. വൈദ്യുതി എത്താത്ത കോളനികളെയും ഗ്രാമങ്ങളെയും രണ്ടാംഘട്ടത്തിൽ ഉൾപ്പെടുത്തും. പ്രകൃതിക്ഷോഭത്തിൽ പൂ൪ണമായും വീട് നഷ്ടപ്പെട്ടവ൪ക്ക് രണ്ടുലക്ഷവും ഭാഗികമായി വീട് നഷ്ടപ്പെട്ടവ൪ക്ക് ആനുപാതികമായും ധനസഹായം നൽകാൻ യോഗം നി൪ദേശിച്ചു.
കാസ൪കോട്-മംഗലാപുരം ദേശസാത്കൃത റൂട്ടിൽ കെ.എസ്.ആ൪.ടി.സി ചില ലിമിറ്റഡ് സ്റ്റോപ്പുകളിൽ നി൪ത്തുന്നില്ലെന്ന പരാതി അന്വേഷിക്കാനും യോഗം നി൪ദേശം നൽകി. ബേക്കൽ റിസോ൪ട്ട് ഡെവലപ്മെൻറ് കോ൪പറേഷൻെറ പ്രവ൪ത്തനങ്ങൾ കാര്യക്ഷമമാക്കണമെന്നും വികസന പ്രവ൪ത്തനങ്ങൾ സയമബന്ധിതമായി പൂ൪ത്തീകരിക്കണമെന്നും ജില്ലാ വികസന സമിതി ആവശ്യപ്പെട്ടു.
ജില്ലാ കലക്ട൪ പി.എസ്. മുഹമ്മദ് സഗീ൪ അധ്യക്ഷത വഹിച്ചു. എം.എൽ.എമാരായ എൻ.എ. നെല്ലിക്കുന്ന്, പി.ബി. അബ്ദുറസാഖ്, കെ. കുഞ്ഞിരാമൻ (ഉദുമ), കെ. കുഞ്ഞിരാമൻ (തൃക്കരിപ്പൂ൪), ഗ്രാമപഞ്ചായത്ത് അസോ. ജില്ലാ പ്രസിഡൻറ് സി.എച്ച്. മുഹമ്മദ്കുഞ്ഞി, സബ്കലക്ട൪ കെ. ജീവൻബാബു, എ.ഡി.എം എച്ച്. ദിനേശൻ, ലീഡ് ബാങ്ക് ജില്ലാ ചീഫ് മാനേജ൪ അജിത്കുമാ൪ മേനോൻ, ജില്ലാ പ്ളാനിങ് ഓഫിസ൪ കെ.ജി. ശങ്കരനാരായണൻ എന്നിവരും വിവിധ വകുപ്പുകളുടെ ജില്ലാതല ഉദ്യോഗസ്ഥരും പങ്കെടുത്തു.