ബഗ്ദാദില്‍ സ്ഫോടന പരമ്പര; 38 പേര്‍ കൊല്ലപ്പെട്ടു

ബഗ്ദാദ്: ഇറാഖ് തലസ്ഥാന നഗരി ബഗ്ദാദിൻെറ വിവിധഭാഗങ്ങളിലുണ്ടായ സ്ഫോടന പരമ്പരകളിൽ 38 പേ൪ കൊല്ലപ്പെട്ടു. ശിയാ ഭൂരിപക്ഷ പ്രദേശങ്ങളിലാണ് സ്ഫോടനങ്ങൾ ഏറെയും നടന്നത്. പത്ത് സ്ഫോടനങ്ങളുണ്ടായതിൽ എട്ടും ശിയ ഭൂരിപക്ഷ പ്രദേശങ്ങളിലാണ്. ഹുസൈനിയയിലെ സ്ഫോടനത്തിൽ അഞ്ചു പേ൪ കൊല്ലപ്പെട്ടു. നഗരത്തിലെ തിരക്കേറിയ തെരുവിൽ നി൪ത്തിയിട്ട കാ൪ പൊട്ടിത്തെറിക്കുകയായിരുന്നു. മറ്റൊരു സംഭവത്തിൽ വടക്കൻ ബഗ്ദാദിൽ നടന്ന സ്ഫോടനത്തിൽ നാലു പേ൪ കൊല്ലപ്പെട്ടു.