ആര്‍.എന്‍.ഒ സഹായത്തിനെത്തി; പത്ത് ജീവനക്കാരുമായി കടലില്‍ കുടുങ്ങിയ യെമന്‍ ബോട്ട് കരയിലെത്തിച്ചു

സലാല: എൻജിൻ തകരാ൪ മൂലം കടലിൽ കുടുങ്ങിയ യെമൻ ¤േബാട്ടിനെ ഒമാൻ റോയൽ നേവിയുടെ (ആ൪.എൻ.ഒ) കപ്പലുകൾ രക്ഷപ്പെടുത്തി. ബോട്ടിൽ പത്ത് യെമനികളുണ്ടായിരുന്നു.
ദോഫാ൪ ഗവ൪ണറേറ്റിലെ അൽ ഹലാനിയാത് ദ്വീപുകളിൽനിന്ന് 120 നോട്ടിക്കൽ മൈൽ അകലെ കുടുങ്ങിയ ബോട്ടിനെ റോയൽ നേവിയുടെ അൽ മൻസൂ൪, മുസന്തം കപ്പലുകളാണ് രക്ഷപ്പെടുത്തിയത്. പ്രതികൂല കാലാവസ്ഥയെ അവഗണിച്ചാണ് അൽ മൻസൂ൪ കപ്പലിലെ ഉദ്യോഗസ്ഥ൪ ബോട്ട് ജീവനക്കാ൪ക്ക് സഹായഹസ്തം നീട്ടിയത്. മുസന്തം കപ്പൽ ആവശ്യമായ സാങ്കേതിക സഹായം നൽകി.