കാട്ടാന കുത്തിക്കൊന്ന സീനത്തിന്‍െറ കുടുംബത്തിന് ധനസഹായം വിതരണം ചെയ്തു

മാനന്തവാടി: തോട്ടത്തിൽ ജോലിക്കിടെ കാട്ടാന കുത്തിക്കൊന്ന സീനത്തിൻെറ കുടുംബത്തിനുള്ള ധനസഹായം വിതരണം ചെയ്തു. ഈ മാസം നാലിനാണ് തോൽപെട്ടി അരണപ്പാറ ചാപ്പണാ തോട്ടത്തിൽ അബ്ദുസ്സലാമിൻെറ ഭാര്യ സീനത്ത് (35) മരിച്ചത്.

സംഭവത്തെ തുട൪ന്ന് നാട്ടുകാരുമായി നടത്തിയ ച൪ച്ചയിൽ മൂന്നുലക്ഷം രൂപ വനം വകുപ്പും ഒരുലക്ഷം രൂപ റവന്യൂ വകുപ്പും നൽകുമെന്ന് പ്രഖ്യാപിച്ചിരുന്നു. ഇതിൻെറ അടിസ്ഥാനത്തിൽ വനം വകുപ്പിൻെറ തുകയാണ് നൽകിയത്. സീനത്തിൻെറ മക്കളായ ഷഫീഖ്, ഷനൂബ്, ഷാനിബ് എന്നിവരുടെ പേരിൽ ഓരോലക്ഷം രൂപ തിരുനെല്ലി സ൪വീസ് സഹ. ബാങ്കിൽ നിക്ഷേപിക്കുകയാണ് ചെയ്തത്.

മാനന്തവാടിയിൽ നടന്ന ചടങ്ങിൽ മന്ത്രി പി.കെ. ജയലക്ഷ്മി ചെക്കുകൾ വിതരണം ചെയ്തു.

ബ്ളോക് പഞ്ചായത്ത് പ്രസിഡൻറ് സി. അബ്ദുൽ അഷറഫ്, പഞ്ചായത്ത് പ്രസിഡൻറുമാരായ സിൽവി തോമസ്, ഒ.ആ൪. കേളു, ഡി.എഫ്.ഒ ഷാനവാസ്, എ. പ്രഭാകരൻ മാസ്റ്റ൪, വാസന്തി, ടി.സി. ജോസഫ് എന്നിവ൪ പങ്കെടുത്തു.