യുവാവിന് പൊലീസ് മര്‍ദനം: ഐ.ജി അന്വേഷണത്തിന് ഉത്തരവിട്ടു

തൃശൂ൪: പേരാമംഗലം പൊലീസ് സ്റ്റേഷനിൽ യുവാവിനെ എസ്.ഐയും പൊലീസുകാരനും ചേ൪ന്ന് ക്രൂരമായി മ൪ദിച്ച സംഭവത്തിൽ വകുപ്പുതല അന്വേഷണത്തിന് ഐ.ജി ഉത്തരവിട്ടു. തൃശൂ൪ മേഖല ഐ.ജി എസ്. ഗോപിനാഥാണ് അന്വേഷണത്തിന് സിറ്റി കമീഷണ൪ക്ക് നി൪ദേശം നൽകിയത്.

ആളൂ൪ പള്ളിക്കര ശ്രീധരൻെറ മകൻ രതീഷാണ് (33) പൊലീസ് മ൪ദനത്തിൽ ഗുരുതര പരിക്കേറ്റ് മാനസികനില തെറ്റി ജൂബിലി മിഷൻ ആശുപത്രിയിൽ ചികിത്സയിൽ കഴിയുന്നത്. രതീഷിൻെറ ഭാര്യ ഐ.ജിക്ക് നൽകിയ പരാതിയുടെ അടിസ്ഥാനത്തിലാ ണ് ഉത്തരവ്. എസ്.ഐ ശെൽവരാജും സിവിൽ പൊലീസ് ഓഫിസറായ സുഗതനും ചേ൪ന്ന് ക്രൂരമായി മ൪ദിച്ചുവെന്നാണ് പരാതി. അന്വേഷണത്തിൻെറ അടിസ്ഥാനത്തിൽ ക൪ശനനടപടി സ്വീകരിക്കുമെന്ന് ഐ.ജി എസ്. ഗോപിനാഥ് പറഞ്ഞു.