അമൃത്സറില്‍ നുഴഞ്ഞുകയറാന്‍ ശ്രമിച്ചവരെ ബി.എസ്.എഫ് വധിച്ചു

അമൃത്സ൪: പഞ്ചാബിലെ അമൃത്സറിന് സമീപം അന്താരാഷ്ട്ര അതി൪ത്തിയിലൂടെ നുഴഞ്ഞു കയറാൻ ശ്രമിച്ച മൂന്നുപേരെ അതി൪ത്തിരക്ഷാസേന (ബി.എസ്.എഫ്) വധിച്ചു. മരിച്ച മൂന്നുപേരും പാകിസ്താൻ പൗരന്മാരാണ്. അന്താരാഷ്ട്ര അതി൪ത്തിയായ അട്ടാരിയിലെ മുല്ലകോട്ട് ചൗക്കിയിലാണ് സംഭവം.

ആയുധധാരികളായ നുഴഞ്ഞുകയറ്റക്കാ൪ സേനയുമായുള്ള ഏറ്റുമുട്ടലിലാണ് കൊല്ലപ്പെട്ടത്. പാക് പൗരന്മാരായ കള്ളക്കടത്തുകാരെയാണ് വധിച്ചതെന്ന് ബി.എസ്.എഫ് വൃത്തങ്ങൾ അറിയിച്ചു. ഇവരിൽ നിന്ന് 24 കിലോഗ്രാം ഹെറോയിനും ആയുധങ്ങളും പിടിച്ചെടുത്തു.