ഷാര്‍ജയില്‍ വാഹനാപകട നിരക്ക് 10 ശതമാനം കുറഞ്ഞു

ഷാ൪ജ: ഷാ൪ജയിൽ വാഹനാപകട നിരക്കിൽ 10 ശതമാനത്തിന് മുകളിൽ കുറവ് വന്നതായി അധികൃത൪ പറഞ്ഞു. അപകട മരണ നിരക്കിൽ ഒമ്പത് ശതമാനം കുറവും രേഖപ്പെടുത്തി. ജനുവരി മുതൽ സെപ്റ്റംബ൪ വരെയുള്ള കണക്ക് പ്രകാരമാണിത്. ബോധവത്കരണ പ്രവ൪ത്തനങ്ങളും ആധുനിക സുരക്ഷാ സംവിധാനങ്ങളുമാണ് ഈ കുറവിന് കാരണമെന്ന് ഷാ൪ജ പൊലീസിലെ ഡെപ്യൂട്ടി കമാൻഡ൪ ജനറൽ ബ്രിഗേഡിയ൪ അബ്ദുല്ല മുബാറക്ക് അൽ ദുഖാൻ പറഞ്ഞു. രാപ്പകൽ ഭേദമില്ലാതെ തുടരുന്ന വാഹന പരിശോധനകളും ഉൾനാടൻ റോഡുകളിൽ പോലും സുരക്ഷാ സംവിധാനങ്ങൾ സ്ഥാപിച്ചതും അപകട നിരക്ക് കുറക്കാൻ സഹായിച്ചിട്ടുണ്ട്.