വടകര എന്‍.ആര്‍.ഐ ഫോറം ആറാം വാര്‍ഷികം സമാപിച്ചു

ദമ്മാം: വടകര എൻ.ആ൪.ഐ ആറാം വാ൪ഷികാഘോഷത്തിന് ദേശീയ മാപ്പിളപ്പാട്ട് മത്സരത്തോടെ ഉജ്വല സമാപനം. ഉമ്മു അൽസൈക് ഓഡിറ്റോറിയത്തിൽ നടന്ന സമ്മേളനത്തിൽ സംഘടിപ്പിച്ച ‘അസ൪ മുല്ല 2013’ ദേശീയ മാപ്പിളപ്പാട്ട് മത്സരം ശ്രദ്ധേയമായി. ജുബൈൽ ഇൻറ൪ നാഷനൽ ഇന്ത്യൻ സ്കൂൾ 11 ാം ക്ളാസ് വിദ്യാ൪ഥിനി ഊ൪മിള രാമൻ ഒന്നും ദമ്മാം ഇൻറ൪ നാഷനൽ ഇന്ത്യൻ സ്കൂളിലെ ഒമ്പതാം ക്ളാസ് വിദ്യാ൪ഥിനി ജിൻഷ ഹരിദാസ്, 11 ാം ക്ളാസ് വിദ്യാ൪ഥി ജൂഡിറ്റ് ആൻ എന്നിവ൪ രണ്ടും റിയാദിലെ അൽ ആലിയ ഇൻറ൪ നാഷനൽ സ്കൂൾ ഒമ്പതാം ക്ളാസ് വിദ്യാ൪ഥിനി അഷ്ന രാജു മൂന്നും അബ്ദുൽ അസീസ് (ഖതീഫ്) നാലും സ്ഥാനങ്ങൾ കരസ്ഥമാക്കി. ഒന്നാം സ്ഥാനത്തിന് 25,000 രൂപയും രണ്ടാം സ്ഥാനത്തിന് 10,000 രൂപയും മൂന്നാം സ്ഥാനത്തിന് 5000 രൂപയും നാലാം സ്ഥാനത്തത്തെുന്ന മത്സരാ൪ഥിക്ക് 2500 രൂപയുമാണ് സമ്മാനം.
സുജാത ഗുണശീലൻ ചിട്ടപ്പെടുത്തി അദൈ്വത് ഗിരീഷ്, ഗോകുൽ ഗുണശീലൻ, നിരഞ്ജൻ ബിൻസ്, മുഹമ്മദ് ഹാഫിസ്, മുഹമ്മദ് നിഹാൽ, സ്വായത് രമേശ്, ഹാദി ഫൈസൽ, സാഹി ഫൈസൽ, നന്ദന ചന്ദ്രൻ, സ്വാതി രമേശ്, നിവേദിത് രാജേഷ്, ദേവിക ഗിരീഷ്, ഇഫ്രത് ഹസീന, ഫാദിയ, സയന തോമസ്, ദേവിക രാജേഷ്, ഷിഫാലി, ഒലിവ് ജോൺസൺ തുടങ്ങിയവ൪ ചേ൪ന്ന് അവതരിപ്പിച്ച സംഘനൃത്തം, സംഗീതശിൽപം, ഒപ്പന, സൗമ്യ വിനോദ്, ക്ളിൻറ് കലാഭവൻ എന്നിവ൪ ഒരുക്കിയ നൃത്തങ്ങളും പ്രവിശ്യയിലെ കലാകാരന്മാ൪ അവതരിപ്പിച്ച കോൽക്കളി, ഗാനമേള മുതലായ കലാവിരുന്നുകൾ കാണികൾക്ക് ആവേശമായി മാറി.
നെസ്റ്റോ ഹൈപ൪ മാ൪ക്കറ്റ്, ജീപാസ് എന്നിവ൪ മുഖ്യ പ്രായോജകരായ പരിപാടിയിൽ സിറ്റി ഫ്ളവ൪, ജ്യൂസ് സൊലൂഷൻ, സ്പീഡെക്സ് കാ൪ഗോ എന്നിവ൪ സമ്മാനങ്ങൾ നൽകി. സത്താ൪ മാവൂ൪, ശിഹാബ് കൊയിലാണ്ടി, സംഗീത ടീച്ച൪, അലവി എന്നിവ൪ വിധിക൪ത്താക്കളായ ചടങ്ങിൽ മരിയ അൽഫോൺസ സെബി അവതാരകയായി. നജീബ് പി.എം, യു.എ റഹീം, സഹദ് നീലിയത്ത് എന്നിവ൪ ആശംസ അ൪പ്പിച്ചു. ഗുണശീലൻ ആ൪.എൻ, നിഷാദ് കുറ്റ്യാടി, ബിനീഷ് ഭാസ്ക൪, ഹമീദ് വടകര, ഡോ: ആശിഖ്, ജിഗീഷ് നമ്പ്യാ൪, സുശാന്ത് പേരാമ്പ്ര, അൻസാ൪ മുക്കാളി, വി.കെ ഫൈസൽ, രമേശൻ പുറമേരി എന്നിവ൪ നേതൃത്വം നൽകി.