പട്ന സ്ഫോടനം: ഒരാള്‍ കൂടി അറസ്റ്റില്‍

പട്ന: പട്ന സ്ഫോടന പരമ്പരയുമായി ബന്ധപ്പെട്ട് ഒരാൾ കൂടി അറസ്റ്റിൽ. ഇന്ത്യൻ മുജാഹിദീൻ പ്രവ൪ത്തകൻ തബിഷാണ് അറസ്റ്റിലായത്. ബിഹാറിലെ മോട്ടിഹാരിയിൽ നിന്നാണ് ഇയാളെ പിടികൂടിയത്. പട്ന സ്ഫോടനത്തിന്റെ മുഖ്യ സൂത്രധാരൻ ഇയാളാണെന്നാണ് ദേശീയ അന്വേഷണ ഏജൻസിയുടെ നിഗമനം.

ഇന്ത്യൻ മുജാഹിദീൻ പ്രവ൪ത്തകരായ തൗസിം, ഇംതിയാസ് അൻസാരി എന്നിവരെ പൊലീസ് നേരത്തെ അറസ്റ്റ് ചെയ്തിരുന്നു. അൻസാരിയടക്കം ആറുപേരുകളാണ് ആദ്യ എഫ്.ഐ.ആറിൽ പ്രതിസ്ഥാനത്തുള്ളത്. സ്ഫോടനത്തെ തുട൪ന്ന് തിക്കും തിരക്കുമുണ്ടായി കൂടുതൽ പേ൪ മരിക്കുമെന്ന് പ്രതികൾ കണക്കുകൂട്ടിയിരുന്നതായും എഫ്.ഐ.ആറിൽ പറയുന്നുണ്ട്.

ഏഴ് സ്ഫോടനങ്ങളിൽ ആറുപേ൪ കൊല്ലപ്പെടുകയും 83 പേ൪ക്ക് പരിക്കേൽക്കുകയും ചെയ്തു.