പയ്യന്നൂരിന് ഹാട്രിക് കിരീടം

കണ്ണൂ൪: റവന്യൂ ജില്ലാ സ്കൂൾ കായിക മേളയിൽ പയ്യന്നൂ൪ ഉപജില്ല തുട൪ച്ചയായി മൂന്നാമതും കിരീടമണിഞ്ഞു. 14 സ്വ൪ണവും 17 വീതം വെള്ളിയും വെങ്കലവുമടക്കം 149 പോയൻറ് നേടിയാണ് പയ്യന്നൂ൪ ചാമ്പ്യൻപട്ടം ഉറപ്പിച്ചത്. 12 സ്വ൪ണവും 12 വെള്ളിയും 12 വെങ്കലവും കരസ്ഥമാക്കി 126 പോയൻറ് നേടിയ ഇരിട്ടി ഉപജില്ലയാണ് റണ്ണേഴ്സ് അപ്. ഏഴു സ്വ൪ണവും 15 വെള്ളിയും 10 വെങ്കലവുമടക്കം 113 പോയൻറുള്ള തളിപ്പറമ്പ് നോ൪ത്ത് മൂന്നാം സ്ഥാനം നേടി. പയ്യന്നൂരിൻെറ കുതിപ്പിനു കരുത്തേകിയ കോഴിച്ചാൽ ഗവ. ഹയ൪ സെക്കൻഡറി സ്കൂളിനാണ് സ്കൂൾ വിഭാഗത്തിൽ കിരീടം. ഒമ്പത് സ്വ൪ണവും എട്ട് വെള്ളിയും രണ്ട് വെങ്കലവുമടക്കം 71 പോയൻറാണ് കിരീട നേട്ടത്തിന് കോഴിച്ചാലിൻെറ താരങ്ങളുടെ സംഭാവന.
നാല് സ്വ൪ണവും ഏഴുവീതം വെള്ളിയും വെങ്കലവും നേടി ഐ.ജെ.എം.എച്ച്.എസ്.എസ് കൊട്ടിയൂ൪, സ്കൂൾ വിഭാഗത്തിൽ റണ്ണേഴ്സ് അപ്പായി. അഞ്ച് സ്വ൪ണവും ഏഴുവെള്ളിയും ഒരു വെങ്കലവുമടക്കം 29 പോയൻറ് നേടിയ ജി.എച്ച്.എസ്.എസ് മാലൂരാണ് മൂന്നാംസ്ഥാനത്ത്. ഒമ്പതു വെള്ളിയും ഒരു വെങ്കലവുമടക്കം 28 പോയൻറുകൾ നേടി വായാട്ടുപറമ്പ സെൻറ് ജോസഫ്സ് എച്ച്.എസ്.എസ് നാലാം സ്ഥാനം കരസ്ഥമാക്കി.
മേളയുടെ അവസാന ദിനമായ ഇന്നലെ മൂന്ന് മീറ്റ് റെക്കോഡുകളും പിറന്നു. ജൂനിയ൪ പെൺകുട്ടികളുടെ വിഭാഗം ഡിസ്കസ് ത്രോയിൽ കണ്ണൂ൪ ജി.വി.എച്ച്.എസ്.എസിലെ മരിയ വിൻസെൻറും ജൂനിയ൪ പെൺകുട്ടികളുടെ ഹാമ൪ ത്രോയിൽ ജി.വി.എച്ച്.എസിലെ വി.വി. ഹ൪ഷാനയും സീനിയ൪ പെൺകുട്ടികളുടെ ട്രിപ്പിൾ ജമ്പിൽ തലശ്ശേരി സായിയുടെ ആതിര സുരേന്ദ്രനുമാണ് റെക്കോഡുകൾ മറികടന്നത്. ഇതോടെ ഈ മീറ്റിലെ റെക്കോഡുകളുടെ എണ്ണം ഏഴായി.
സബ്ജൂനിയ൪ ആൺകുട്ടികളിൽ കോഴ ിച്ചാൽ ക്കിൾസിലെ ഷഹിൻ നാസറുമാണ് വ്യക്തിഗത ചാമ്പ്യന്മാ൪. സബ് ജൂനിയ൪ പെൺകുട്ടികളുടെ വിഭാഗത്തിൽ സായി തലശ്ശേരിയിലെ ടി. ഹരിപ്രിയ, ജൂനിയ൪ ആൺകുട്ടികളിൽ ജി.എച്ച്.എസ്.എസ് കൊയ്യോമിലെ കെ. അഭിജിത്, സാൻതോം ജി.എച്ച്.എസ്.എസിലെ അമൽ തോമസ്, ജൂനിയ൪ പെൺകുട്ടികളിൽ തലശ്ശേരി സായിയിലെ ഷജിന ജോസ്, കണ്ണൂ൪ ജി.വി.എച്ച്.എസ്.എസിലെ ജിൽമോൾ ജോസഫ്, സീനിയ൪ ആൺകുട്ടികളിൽ ജി.എച്ച്.എസ്.എസ് മാട്ടൂലിലെ പി.ടി. അമൽ, സീനിയ൪ പെൺകുട്ടികളിൽ തലശ്ശേരി സായിയിലെ ആതിര സുരേന്ദ്രൻ എന്നിവരാണ് വ്യക്തിഗത ചാമ്പ്യന്മാ൪.
ഇന്നലെ വൈകീട്ട് നടന്ന സമാപന സമ്മേളനം ജില്ലാ പഞ്ചായത്ത് പ്രസിഡൻറ് പ്രഫ. കെ.എ സരള ഉദ്ഘാടനം ചെയ്തു. കണ്ണൂ൪ ബ്ളോക് പഞ്ചായത്ത് പ്രസിഡൻറ് ഷൈജ സജീവൻ അധ്യക്ഷത വഹിച്ചു. ആന്ധ്രയിൽ നടന്ന ദേശീയ സ്കൂൾ ചെസ് മത്സരത്തിൽ ജൂനിയ൪ വിഭാഗത്തിൽ മൂന്നാം സ്ഥാനം നേടിയ പട്ടാന്നൂ൪ എച്ച്.എസ്.എസിലെ അഭിഷേക്, സീനിയ൪ വിഭാഗത്തിൽ മൂന്നാം സ്ഥാനം നേടിയ തലശ്ശേരി സെൻറ് ജോസഫ്സ് എച്ച്.എസ്.എസിലെ റോഷിൻ റൊമാരിയോ, ഇൻഡിവിജുവൽ ബോ൪ഡ് ചാമ്പ്യൻഷിപ് നേടിയ തലശ്ശേരി ബ്രണ്ണൻ സ്കൂളിലെ സചിൻ പ്രദീപ് എന്നിവ൪ക്കുള്ള സമ്മാന വിതരണം നഗരസഭാ ചെയ൪പേഴ്സൻ റോഷ്നി ഖാലിദ് നി൪വഹിച്ചു. നഗരസഭാ വിദ്യാഭ്യാസ സ്റ്റാൻറിങ് കമ്മിറ്റി ചെയ൪പേഴ്സൻ ജയലക്ഷ്മി രാമകൃഷ്ണൻ, ഡയറ്റ് പ്രിൻസിപ്പൽ സി.എം. ബാലകൃഷ്ണൻ, എസ്.എസ്.എ ജില്ലാ പ്രോഗ്രാം ഓഫിസ൪ ഹാഷിം കാട്ടാമ്പള്ളി, എച്ച്.എസ്.എസ് ജില്ലാ കോഡിനേറ്റ൪ ഡോ. ശശിധരൻ കുനിയിൽ, കണ്ണൂ൪ നോ൪ത്ത് എ.ഇ.ഒ കെ. മോഹനൻ എന്നിവ൪ സംസാരിച്ചു. സ്പോ൪ട്സ് ഗെയിംസ് സെക്രട്ടറി എം. ഷംസുദ്ദീൻ നന്ദി പറഞ്ഞു.