തര്‍ക്കം സമവായത്തിലൂടെ പരിഹരിക്കാന്‍ തയാര്‍ -യാക്കോബായ സഭ

കോലഞ്ചേരി: സഭാത൪ക്കം സമവായത്തിലൂടെ പരിഹരിക്കാൻ യാക്കോബായ സുറിയാനി സഭ എന്നും സന്നദ്ധമാണെന്ന് കത്തോലിക്ക ബസേലിയോസ് തോമസ് പ്രഥമൻ ബാവ പറഞ്ഞു. കോലഞ്ചേരി സെൻറ് പീറ്റേഴ്സ് ആൻഡ് സെൻറ് പോൾസ് പള്ളി കുടുംബ യൂനിറ്റുകളുടെയും വിശ്വാസ സംരക്ഷണ സമിതിയുടെയും സംയുക്ത യോഗത്തിൽ അധ്യക്ഷത വഹിക്കുകയായിരുന്നു അദ്ദേഹം. വിശ്വാസികൾ വഞ്ചിക്കപ്പെടുന്ന സാഹചര്യം ഇനി അനുവദിക്കില്ല. ഇടവക പള്ളികളുടെ സ്ഥാപന ഉദ്ദേശം നിലനി൪ത്താനും ദേവാലയങ്ങൾ സംരക്ഷിക്കാനും സഭ എന്നും പ്രതിജ്ഞാബദ്ധമാണ്. ത൪ക്കങ്ങളിൽ ജനഹിതം അറിഞ്ഞ് തീരുമാനമെടുക്കാൻ അധികാരികൾ തയാറാകണമെന്നും അദ്ദേഹം പറഞ്ഞു.