ഇന്ത്യന്‍ വംശജ നിഷ യു.എസ് വിദേശകാര്യ സഹസെക്രട്ടറി

വാഷിങ്ടൺ: ഒരു ഇന്ത്യൻ വംശജകൂടി അമേരിക്കയിൽ ഉന്നതപദവിയിൽ. നിഷ ദേശായി ബിസ്വാൾ എന്ന ഇന്ത്യൻ വംശജ അമേരിക്കയിൽ വിദേശകാര്യ സഹസെക്രട്ടറിയായി സ്ഥാനമേറ്റതാണ് പുതിയനേട്ടം. ഈ സ്ഥാനത്തത്തെുന്ന ആദ്യ ഇന്ത്യൻ വംശജയാണവ൪. ദക്ഷിണ, മധ്യ ഏഷ്യൻ മേഖലക്കായുള്ള വിദേശകാര്യ സഹസെക്രട്ടറിയായാണ് നിഷ സ്ഥാനമേറ്റത്. യു.എസ് വിദേശകാര്യ സെക്രട്ടറി ജോൺ കെറി സ്ഥാനാരോഹണച്ചടങ്ങിൽ സത്യപ്രതിജ്ഞ ചൊല്ലിക്കൊടുത്തു. അമേരിക്കൻ ഭരണമേഖലയിൽ ഇന്ത്യൻ വംശജരുടെ സാന്നിധ്യമേറുന്നത് ഇരുരാജ്യങ്ങളുടെയും ആഴത്തിലുള്ള സൗഹൃദത്തെയാണ് കാണിക്കുന്നതെന്ന് ജോൺ കെറി അഭിപ്രായപ്പെട്ടു. ഇരുരാജ്യങ്ങളും തമ്മിലുള്ള സാമ്പത്തിക, സുരക്ഷാ, സാംസ്കാരിക ബന്ധങ്ങൾ കൂടുതൽ ശക്തിപ്പെടുത്തുമെന്നും ചടങ്ങിൽ കെറി വ്യക്തമാക്കി. വിദേശകാര്യ സഹസെക്രട്ടറി പദവി ദക്ഷിണ, മധ്യ ഏഷ്യൻ വിഷയങ്ങളിൽ ഒബാമയുടെ തീരുമാനങ്ങളിൽ സ്വാധീനം ചെലുത്താൻ നിഷക്ക് സഹായകമാകും.
ഇന്ത്യയിൽ സ്വാതന്ത്ര്യസമര സേനാനികളായിരുന്ന മുത്തച്ഛന്മാരെ പോലെ ദേശസേവനമാണ് തൻെറയും ലക്ഷ്യമെന്ന് നിഷ ദേശായി പറഞ്ഞു.
ഗാ൪ഗി ഉയ൪ന്ന പദവിയിലേക്ക്
വാഷിങ്ടൺ: ഭരണ സംവിധാനത്തിൻെറ പ്രധാന സ്ഥാനത്ത് യു.എസ് പ്രസിഡൻറ് ബറാക് ഒബാമ ഇന്ത്യൻ വംശജയെ നിയമിച്ചു. ഇന്ത്യൻ വംശജയായ ഗാ൪ഗി ഘോഷിനെ ആഗോള വികസന സമിതി അംഗമായാണ് നിയമിച്ചിരിക്കുന്നത്.
മൈക്രോസോഫ്റ്റ് സ്ഥാപകൻ ബിൽഗേറ്റ്സും ഭാര്യ മെലിൻഡ ഗേറ്റ്സും നേതൃത്വം നൽകുന്ന സ്ഥാപനത്തിലെ (ബിൽ ആൻഡ് മെലിൻഡ ഗേറ്റ്സ് ഫൗണ്ടേഷൻ) നയ വിശകലന ധനകാര്യ വിഭാഗത്തിൻെറ (പി.എ.എഫ്.) ഡയറക്ടറായി പ്രവ൪ത്തിച്ചുവരുകയായിരുന്നു. ഒക്സ്ഫഡ്, ജോ൪ജ്ടൗൺ സ൪വകലാശാലകളിൽനിന്ന് ബിരുദം നേടിയ ഗാ൪ഗി, സാൻഫ്രാൻസിസ്കോയിലെ ആഗോള ആരോഗ്യ സംഘടനയുടെയും കാലിഫോ൪ണിയ സ൪വകലാശാലയുടെയും ഉപദേശക സമിതിയിൽ അംഗമായും പ്രവ൪ത്തിക്കുന്നു.