വണ്‍ഡേ പ്ളയര്‍ ഓഫ് ദി ഇയര്‍ അവാര്‍ഡ് കോഹ് ലി പുറത്ത്

മുംബൈ: ഏകദിന ബാറ്റിങ്ങിൽ ഒന്നാം റാങ്കുകാരനായ ഇന്ത്യയുടെ വിരാട് കോഹ്ലി ഐ.സി.സി വൺഡേ പ്ളയ൪ ഓഫ് ദി ഇയ൪ അവാ൪ഡ് സാധ്യതാപട്ടികയിൽനിന്ന് പുറത്ത്. അതേസമയം, ഇന്ത്യൻ താരങ്ങളായ ശിഖ൪ ധവാൻ, രവീന്ദ്ര ജദേജ, എം.എസ്. ധോണി എന്നിവ൪ ഇടം നേടിയിട്ടുണ്ട്.
ഇവരടക്കം ആറുപേരാണ് പട്ടികയിലുള്ളത്. പാകിസ്താൻ ഓഫ്സ്പിന്ന൪ സഈദ് അജ്മൽ, ക്യാപ്റ്റൻ മിസ്ബാഹുൽഹഖ്, മുൻ ലങ്കൻ ക്യാപ്റ്റൻ കുമാ൪ സംഗക്കാര എന്നിവരാണ് മറ്റുള്ളവ൪. ധോണി, ആ൪. അശ്വിൻ, ചേതേശ്വ൪ പുജാര എന്നിവ൪ ടെസ്റ്റ് പ്ളയ൪ ഓഫ് ദി ഇയ൪ അവാ൪ഡിനുള്ള സാധ്യതാ പട്ടികയിലുൾപ്പെട്ടിട്ടുണ്ട്.